SU CANTADORI ISBANDIU
1 Su chi seu ponendimi a nai Dh’hapu osservau de sa ventana Castiendi facci a sa “tana” De unu poberu isbandiu. Chi siat beridadi no isciu Ma chi siat berus tengu gana. 2 Hapu decidiu de cantai A boxi crara e potenti Po chi s’intendat in padenti E in is atzas de su mari. Heus a cumprendi impari Si est bessiu de conca o de…brenti. 3 Est inchietu su mari Candu sulat maistrali. E candu est troppu su mali Mancu su beni est craru. Pentzendinci deu imparu A no crei totu oguali. 4 De sa storia de unu sbandiu Su bonu cicu de ponni a pati Cantendi beni e cun ati Ma no mi pigu avalotu Po amostai su chi est trotu Cuèndi cosa po dhi fai patis. 5 Su cantai est cosa bona Si est liberu de funis e sogas. Ma si sa beridadi che troga Si presentat a sa genti Deu no isciu cumenti Su berus de su falsu s’istrogat. 6 Unu cantu potat sa firma De su chi dh’hat iscrittu o cantau Perou no est amancau Su chi bendit s’impostura Po beridadi sigura Narendi: “Aici m’hanti nau!”! 7 Si chistionat de isbandius Ponit totus in su propiu saccu Chi siat normali o maccu Po issu no fait differentzia. Ch’est atrivia sa ponentzia Dhu cumprendit donnia…macacu. 8 Feti ch’intendat su nomini Narat: “cussu est de Sardinnia De isbandiu tenit isghinnia No est cosa de si fidai!” E cicat de fai brintai In totus cuss’idea indinnia. 9 “Hoi, si m’agatu fuendi che lepiri cutu de is canis, sentz’e domu e sentz’e pani Est po curpa de cussa genia De genti mala i atrivia E seu persighiu che mrexani!” 10 Pentzendi a i custus fuedhus De unu sbandiu bistu pannus. Bolu contai sentza de ingannus Su chi seu siguru de connosci. Isperu de no fai arrosci Ni a piticus, ni a mannus. 11 Potzu nai cun cunvintzioni Ca su chi contu no m’est allenu Dhu bivu totu e in prenu. Poita ca sunfru su chi cantu E de su sbandiu sentu su prantu Ca seus de su propiu terrenu 12 Trattendisi de unu sbandiu Chi bivit foras de sa lei, Cantu cumenti praxit a mei Sigu sa musica e su coru, Lei pretziosa che s’oru, Po cantai totu e beni. 13 Rima, crubas e torrada Versus longus o crutzus, Podint acapiai is brutzus De is manus e de is peis. Sentza de dispretziai sa lei Deu sa libertadi assutzu! 14 Su sardu tenit in su sanguni Su disigiu de bivi in paxi Cantat che su leunaxi Sa libertadi de is arrius Bolit beni a is pipius E i sa familia dhi praxit. 15 Po iscriri totu su chi pentzu Bolu chi is versus chi cantu, Siat de allirghia o de prantu, Sianta liberus e isciotus E podint essi sesi o ottu Po cussu deu no m’ispantu. 16 Su chi contat est su chi naru E chi su chi naru siat poesia Ca ponit truncus in sa ‘ia A una cantada sincera Sa rima posta a carrera Si cun su tema est mali cosìa! 17 A parri miu, in su cantu Sa musicalidadi benit prima De is crubas e de sa rima. Su versu, candu sonat beni Che i su fogu teni-teni De su poeta luxit sa stima. 18 Custa est sa lei chi sigu Cantendi su tema cumentzau Heus a biri candu hap’acabau Si su cantu est arrennesciu O si làstima dh’hat minesciu A su tema chi hapu pigau. 19 Deu cantu po alliviai Is penas chi mi fainti sunfriri A botas sentza de mancu isciri Po ita mi persighit su sbirru Mi dha passu che su schirru O attidhendi che pîbitziri. 20 Passu sa notti in is matas, In is montis e is serragus. Dromu in su meriagu, A isterri pongu su scomu Hoi no tengu prus domu E siguresa prus pagu. 21 Mi papu sa petza bamba Candu amancat su sali. Si m’increscit unu casciali O nd’ingolu una maladia No mi potzu ponni in sa ‘ia Po andai a curai su mali. 22 Amesturu folas, mi bufu su succi Cun folas e giuncu mi fasciu is guronis A su marigosu dh’agatu su druci Seu che i su frori de mat’i olioni Chi donat a s’abi meli marigosu. Passu custa vida bivendi in su mundu Cument’e unu fundu di ebra in s’istadi No contu s’edadi e is annus chi perdu. 23 Is annus chi perdu no torrant prusu E funti isprecaus, no contanta nudha! Seu caminendi sempri a punta a susu Medasa mi creinti de una mala arratza. Solu chi m’amosti, mi ghetant is canis Cument’e mrexani foras de sa tana Est pagu sa gana de mi passillai. Mi depu cuai si bolu campai! 24 Si bolu campai che unu cristianu Sentza de furai, sentza de bociri Potzu traballai de merì a mengianu Ca solu a de notti deu potzu bessiri Fatzu s’agiudanti abilendi crabas, Brebeis e procus a nottis interas. Siat in primavera che in s’ierru fridu, Mi dha passu iscidu pentzendi a s’incrasi. 25 Pentzendi a s’incrasi, setziu in d’unu logu, Pigu sa ghitarra e cantu a…sa luna Cantu a is istedhus fendidhu po giogu. Is luxis de celu contu a una a una. De penas e prexu dhis contu avventuras Ca pentzu di essi cumenti funt issas In camminu fissas, sempiri fuendi Curreus sighendi su propiu destinu. 26 Su propiu destinu tengu cun su bentu: Curreus cichendi paxi e sigurantza No dromeus mai in su propi’ aposentu Sigheus sa lei de sa latitantza Po mei su bentu est grandu maistu Mi fait abistu cun s’araxi frida Mi passu sa vida sempiri ispressiu Ca seu bessiu de logh’e presoni Po cussu no abicu a latzu parau. No seu pilloni tontu o atriviu Chi torrat a domu a soli calau I agatat s’arretza pronta a dhu cassai. Bolendi a ataria sempir’ oguali, Agatat giuali po is…pinnas suas E a sa de duas nci dhas hat lassadas. 28 Nci dhas hat lassadas ca bolat che pudha Chi no iscit bolai e, a ora passada, Candu in su scuriu no bidi prus nudha, Tontamenti istumbit in s’arretza parada. Su bolai basciu est pirigulosu Si no iscis acantu parant is arretzas, Pilloni, aderetza! Bola prus in atu Chi mancu su gatu ti potzat cassai! 29 Mi podit cassai, certu, sa giudtitzia Po is traitoris prontus a mi bendi. Aici intregau m’hiant cun malitzia. Ma cust’ota, pentzu ca prima ‘e m’arrendi Unas cantu lunas depanta passai. Po m’accapiai no abastat su spagu Su tempus est pagu po custu pilloni Sa vida in presoni no bolu passai! 30 No bolu passai po delincuenti Ca no hapu motu, né iscassinau Si m’hanti pigau po unu prepotenti Est ca de unu poberu mi seu impicciau Fendidhi ottenni su chi dh’ ispettada De pat’e un’arricu chi dh’hiat isfruttau. Dh’hiat acapiau is peis a cadena E cun cussa pena dh’oliat obbligai Su logu a abilai in pont’ e su meri! 31 In pont’e su meri, cument’ ‘e unu cani S’arricchesa allena fuat castiendi. Po podi papai un’ arrog’ e pani Vida e dignidadi fuat disigendi. Connota sa storia, mi seu decidiu A fai de totu po dhu liberai M’atrivu a brintai e agatu su meri Cun pagu prexeri in pratza m’hat biu 32 In pratza m’hat biu cun airi suspetta. Dha tenia in facci, bessiat de is ogus Che fogu de cannas de una scupetta Fua liberendi a s’amigu Costanti Ca de imoi innanti deu dh’olia homini! 33 Dhu bolia homini liberu de penas Tanti disumanas de no podi crei. Sa vid’e su poberu est sempri in cadenas E i su chi dhas ponit est foras de lei Ca cun su dinai mali guadangiau Pagat abogaus, comprat sa giustitzia E cun prus dovitzia disigiat sienda. Amancat chi bendat s’anim’ ‘e sa mamma! 34 Sa mamma e is santus a piedadi invocat Biendisi de mei istrintu aici foti Timit e itzerriat, casi si pretocat, Ca creit di essi istrintu de sa moti. Custu est su delittu chi m’hat isbandiu De bidha, familia, amigus e festas Schivau che pesta mi biu de medas Su dolori, a cedras, m’hat prenu su coru.. 35 Su coru est prenu de tentatzionis Ca sa beridadi no est sa chi nanta E i su coru, a botas, tenit arrexonis Ch’is fortzas onestas prusu no cumandanta. Su sanguni budhit gonfiendi is venas Mi parint allenas is cosas chi pentzu Aditziu sentzu de dhas boli fai No potzu negai ca s’istintu est custu. 36 Est custu s’istintu chi deu bolu binci Mancai siat foti sa tentatzioni De mi fai is leis po podi cunvinci A mei e a totus foras de arrexoni. Est custa sa posta chi hapu iscumittiu De binci s’arbitriu de certus chi accapianta E in cadenas lassanta sentz’e piedadi, Sentz’e libertadi a is poberas vittimas. 37 A is poberas vittimas, sentza de respettu, Dhas castiant in gruttas a funi in su tzugu Cun grandu dolori po donnia apretu. Totus custas cosas che trigu dhas prugu E dhas arrefudu ca no funti dinnias, No dexint a nemus, funti una bregungia E no est incungia chi prenit su saccu E feti unu maccu dhas podit pentzai. 38 Dhas podit pentzai, podit fai dannu Pedrendi sa conca che sriboni fetu, Prusu no distinghit tra piticu e mannu E cambiat cun totus s’arrexoni in cetu. Fintzas chi su cetu si furriat in sanguni. No creu siat custu su modu prus giustu, Sa sghinnia ‘e su sadru. Mancai sbandiu, Mai arrebugiu bolu diventai 39 Bolu diventai liberu de coru. Dh’hapu disigiau send’essi pipiu. No torrint mai is tempus de su “moru”. Ma potzaus bivi liberus che s’arriu. De candu is Nuraxis hanti tentu fama Su sanguni nostu s’est amesturau, Ma s’est abarrau “sadru” su sentidu De populu fidu, liberu che bentu. 40 Liberu che bentu deu bolu cantai Cantzonis, mutetus, gocius, batorinas Imperu ghitarra po m’acumpagiai Ma sempiri a solu fatzu sa sterrina. Mi pràxint is temas chi andanta deretus A tocai sa vida cun is modas suas E fatzant intrai su fogu in is venas, Appaxint is penas e alluanta su prexu 41 Alluanta su prexu che fogu in istula Chi lassat sa terra pronta a manixai, Coru e sentidu a fundu mi pulat Ca semini bonu deu bolu ghetai. Deu no rinuntziu a nai su chi pentzu Giai chi “potu in denti su chi potu in brenti” Chi aprovat sa genti, gei mi fait prexeri, Ma, seu su meri de is bideas mias! 42 De is bideas mias de sadru isbandiu, Tostau che truncu de ilixi antigu. Cun sinceridadi cantu su chi biu E pongu in su cantu amori de amigu, Canti po arriri o canti po prangi Deu bandu deretu sighendi su fini No castiu a chini podit ascutai, Cantu solamenti su chi creu beni. Su chi creu beni cument’est su pani, Cument’e su soli bessiu a mengianu Deu sigu su scopu fideli che cani. Nisciunus m’obligat narendi “marranu!” Po chi deu canti su chi pentzat issu. A pregunta posta, arrespundu giustu Segundu su gustu chi praxit a mei. Est custa sa lei chi bolu serbiri. 44 Ma chi bolu serbiri sa genti e sa vida Bolendi in su celu, setziu in is nuis Melus chi de s’ati in pressi mi dispida Prima chi sa genti mi nerit: “ma tui, Innui ses bivendi po cantai aici? Canta cun su coru, sona sa ghitarra, Poni pei in terra, no bengas cun trogas! Trunca cussas sogas, fulianci sa mascara!” 45 Nci fuliu sa mascara de sadru...pentiu, Ndi calu de celu e abarru in terra. No seu priogu chi s’est arricchiu, Deu no m’isbagliu fendi sa guerra. Si hapu cantau anant’e brentudus Chi si fainti meris de genti e de benis Su coru e su…spreni dhis hapu morigau. 46 Hapu morigau, prima de traixi A fradis e sorris de s’arrtza mia, Cumenti in su fogu s’iscalat sa pixi, Sa faina mia dha tengu cumpria. Prima sa Sardinnia, apustis su mundu. Seu de Bidha Manna, de Cuatu e de Mara Lompi’ a “Carbonara” cun is Ollastinus, Sadru est su destinu chi bolu sighiri. 47 Deu depu sighiri arendi cungiaus Po dhui seminai semini cumpriu. De cussu manixu heus incungiau Ca mai s’hat donau lori avaliu. Deu cantu hoi, ma cantu a s’antiga Is cantus de sempiri, e funti modernus, De is cuadernus chi hapu agatau Deu hapu imparau s’ati de cantai! 48 S’ati de cantai, mancai mi bòcianta, Mancai abruxinti domu e istrumentu, Usint amaletzus chi a atrus ispàntanta No cambiu manera, ni timu iscramentus! Mancai in foresta cantu che i su bentu! Candu sa cantzoni est bella e sincera Currit che sa scera, brintat che s’araxi, Che i su leunaxi frorit in is pedras. 49 Frorit in is pedras e in is arrius E ponit arrèxini cichendi sustantzia Cunvincit, trumentat e bogat axìus Morigat sa terra, potat abundantzia. Su cantu no morit, bivit in eternu No tenit cunfinis, no timit is leis, Mancai a…pei, sighit caminendi Sempiri cichendi genti chi dh’arrìciada. 50 Genti che dh’arriciat e accettit su tema Ascutendi attenta s’arrexoni a fundu Cali bentu tirat in cussu poema E si narat cosas po totu su mundu. Aici si pentzat su cantu arriciu. Deu sigu cantendi ca in su cantu creu. A un amigu caru totu cantu intregu E a is santus pregu de dh’acumpangiai Po fai arribai custu cantu a Bidha. 51 De custu cantu a bidha mia Mandu sa cumessioni Mancai potit cunvesioni Sa scera dha depu mandai Ca sa genti no depit pentzai Chi sia ancora in presoni. 52 Hoi su presoni miu est su monti Aundi bivu in cumpangia Tengu sempiri acanta mia Sa ghitarra chi hapu comporau Cun issa cantu a soli calau Aliviendi sa vida mia. 53 Candu ndi calat sa notti Su monti est totu citiu Imbussat totu su scuriu E badhant in celu is istedhus A manu pigada cun is fuedhus Chi bessint de su coru miu. 54 Sa ghitarra inventat sonus Prus potentis de is palletonis Nanta ca pesat rivolutzionis E cambiat a fundu is custumus. Is cannonis e i su prumu No cambiant is cunvintzionis. 55 Aundi lompit sa cantzoni Brintat totu sei-sei Donnia cosa tenit sa lei Su cantu tenit sa sua. Mancai arribit cua-cua Si presentat, siguru, e in pei. 56 Candu hapu cumentzau a cantai, Che i su chi andat iscrutzu, Su cantai miu fuat crutzu E lompiat acantu podiat. Sa torrada beni no fia Ca no teniat…acua su putzu. 57 Candu unu cantat a solu Est prus crutza sa cantada Ma s’allonghiat in s’amesturada E cun sa ghitarra...bolat. E i ti benit amarola Chi aguantis a s’acabada. 58 Passastus nottis cantendi Fintzas a chitzi mannu. A nisciunus festus dannu Ca fut tra nosu su cetu. Donniunu sighiat deretu Che in sa melus dì de s’annu. 59 Is piciocus ponestus versus Po ispassiu o po amori. Aici bincestus is doloris Cun cantus e…imbriagheras. Su vitziu fuat sa galera De is poberus bufadoris. 60 Fuat abitudini de medas Su s’imbriagai su dominigu. Si furriat in iscuminigu Su biri hominis arrendius De una pati o de s’atera pendius Cichendi logu po s’acabidu. 61 Su cantu bogat a craru Benis e malis connotus Deu dhus hapu arregotus Po no ndi pedri s’arregodu. Su semini arau po giogu Podit cresci beni in is otus. 62 Is cosas chi seu cantendi No m’acucanta po ocurrentzia. Hapu cumprendiu cun passientzia S’arcanu de is cosas cantadas. Deu no cantu po debadas E no citu ananti de sa prepotentzia. 63 De su chi s’hat fattu diciosus Si ndi podeus iscaresci In donnia tupa s’arrescit Lana e pilu de animalis. In sa memoria s’arrescit su mali Chi po curpa nosta si minescit. 64 Deu matziu prima de inguti. Candu su papai est tostau, Prima chi lompat a su palau, Dhu molu beni cun is dentis E candu arribat a brenti Dhu tengu sempiri beni gustau. 65 Sa vida m’hat imparau Cantu balit su chi biveus. Is amesturus chi feus, Cun is penas e is allirghias, Sianta intendias o sunfrias, S’agiudanta in is oras peus. 66 S’abisongiu m’hat fattu passai A palas de montis e maris. No hap’agatau logu paris, Ma dh’hapu depiu aparixai. Po esperientzia potzu nai: “Castia, prima chi ti dhui ’incraris”. 67 Si contu is girus de arroda E is imbruchinus ghetaus Mai m’hia hap’essi pentzau De podi contai is arregodus Hoi potu anant’e is ogus Su chi hapu tribuliau. 68 Est cosa bella sa memoria Chi allogat sa vida passada. Si hoi dh’hap’arregodada Dhu depu a i cussa cascita. Tui mi preguntas po ita Deu ti dh’hapu contada? 69 Est lei chi donniunu cichit De bivi prus de su tanti Su cantai is cosas innantis Chi acabit sa dì e iscurighit Fait in modu chi allonghit Sa vida prus de su tanti! 70 Disigiu e gloria s’agatant In su coru de unu cristianu Chi bivit e morit pianu-pianu Che frori o ebra in su campu. E prus in pressi che su lampu Arribat a donnia notti su mengianu. 71 Naru: “a donnia notti su mengianu” E no: “a donnia mengianu sa notti” Ca mancai bengat sa moti No morit su chi heus fattu. Cantat sa bidha e su satu De su cristianu sa soti. 72 Donniunu pentzat e creit Su chi dhi parit e praxit Nemus podit domai s’araxi Po dha fai frida o calenti Su dhu pentzai est insolenti Po cussu s’amancat sa paxi. 73 Hapu ghetau sa boxi De pitzus de custu monti E hapu ghetau unu ponti De su Cauli a Calaburroni Hapu cantau che su caboni Senza de cragarista in...fronti. 74 No mi giudichist atriviu Chi su tremini hapu satau Brintendi in su seminau De is cungiaus allenus Prima chi abruxint is fenus De un abrinchidu nci seu satau! 75 Po mei donnia logu est allenu Po cussu nci passu currendi. Sa giustitzia sighit benendi Avatu miu arrabiada De m’hessi cassau s’est bisada E de mi cassai est cichendi. 76 Su nomini miu no dhu neristi Ca podis essi suspettau De m’hessi agiudau o cuau In domu o in su medau tuu Donniunu tenit su suu Deu abarru su “SBANDIU” Arrafieli Boi	1 Quello che sto per dire L’ho osservato dalla finestra Guardando verso la tana Di un povero bandito. Se sia vero non lo so, Ma vorrei che fosse tale. 2 Ho deciso di cantare A voce alta e potente Perché si senta su nei monti E sulle rive del mare. Insieme poi comprenderemo Se è razionale o…viscerale. 3 E burrascoso il nostro mare Quando soffia il maestrale. E quando il male è troppo grande Non è chiaro neppure il bene. Io, riflettendo, imparo A non credere tutto uguale. 4 Dalla storia di un bandito Ritengo ciò che è buono Cantando bene e con arte. Ma non mi turbo più di tanto Per dimostrare ciò che è falso Celando per favorirlo 5 Il cantare è buona cosa Se è libero da funi e corde. Ma se la verità come menzogna Viene presentata alla gente Io non so più in che modo Si sciolga il vero dal falso. 6 Un canto ha sempre la firma Di chi l’ha scritto o cantato Ma spesso non è mancato Chi ha venduto l’impostura Per verità più che certa Dicendo: “Così mi hanno detto”. 7 Quando parla di banditi Lui fa d’ogni erba un fascio. Si tratti di normale o pazzo Per lui non fa differenza. Ch’è esagerato l’asserto Lo capisce ogni...macaco! 8 Gli basta sentire il cognome Per dire: “Quello è della Sardegna Ha l’istinto del bandito Per cui non c’è da fidarsi”. E cerca di far entrare In tutti quest’idea idegna. 9 “Se oggi me la passo fuggendo come lepre davanti ai cani senza casa e senza pane, lo devo a quella genìa, cattiva e senza scrupoli, che mi perseguita come volpe”. 10 Pensando a queste parole, Mi travesto da bandito E racconto senza inganni Quel che credo di conoscere. Spero di non fare annoiare Né i piccoli né i grandi. 11 Posso dire con convinzione Che quanto dico non m’è estraneo Vivo tutto pienamente Perché soffro quel che canto. Soffro il pianto del bandito Perchè siamo della stessa terra. 12 Poiché si tratta di un bandito Che vive fuori della legge, Canto come piace a me: Seguo la musicalità ed il cuore, Legge preziosa come l’oro Per cantare tutto e bene. 13 La rima, la strofa e il finale, I versi lunghi o corti, Possono legare i polsi Delle mani e dei piedi. Pur non disprezzando la legge Preferisco la libertà. 14 Il sardo ha nel suo sangue Il desiderio della pace. Canta come l’oleandro La libertà dei ruscelli chiari. Vuole molto bene ai bambini E adora la sua famiglia. 15 Per scrivere tutto quel che penso Voglio che i versi che canto, Sia di allegria o di pianto, Siano liberi e slegati Se poi sono sei o otto, non mi preoccupo per niente. 16 Quel che conta è quel che dico E quel che dico sia poesia. Mette bastoni tra le ruote A una cantata sincera La rima troppo forzata Che non concorda con il tema. 17 A mio avviso nel canto Ia musicalità viene prima Delle strofe e della rima Il verso, quando suona bene, come la fiamma mette in luce la stima del buon poeta. 18 Io seguo questa legge Cantando il tema cominciato. Si vedrà poi alla fine Se il canto è ben riuscito Oppure è degno di biasimo Rispetto al tema iniziale. 19 Io canto per alleviare Le pene che mi fan soffrire. Mi chiedo spesso perché Mi perseguita lo sbirro Mi fa fare lo scoiattolo o…la cavalletta saltando. 20 Passo la notte tra le piante, sui monti e sulle colline. Dormo come le pecore, per materasso uso frasche. Oggi non ho più casa E tanto meno sicurezza. 21 Mangio la carne sciapa Quando non posso aver il sale. Se mi fa male un molare, O prendo una malattia Non posso uscire per strada Per andare a curarmi il malanno. 22 Mischio delle foglie e ne bevo il succo. Con foglie e con giunchi mi fascio i foruncoli A quello che è amaro io gli trovo il dolce. Io sono come il fiore del corbezzolo Che dà il miele amaro all’ape. Passo questa vita vivendo nel mondo Como un ciuffo d’erba d’estate. Non conto l’età né gli anni che perdo. 23 Gli anni che perdo non tornano indietro E sono sprecati, non contano niente! Io sto camminando sempre in salita. Molti mi catalogano d’una mala razza. Solo che mi affacci m’aizzano i cani Come a una volpe fuori della tana. E’ poca la voglia d’andare a passeggio Mi devo nascondere se voglio campare 24 Se voglio vivere come un cristiano, senza rubare e senza uccidere posso lavorare da mattina a sera perché è solo di notte che io posso uscire. Faccio l’aiutante custodendo capre, pecore e maiali durante la notte. Sia in primavera che nel freddo inverno Me la passo sveglio pensando al domani. 25 Pensando al domani, seduto in un posto, prendo la chitarra e canto…alla luna, Canto alle stelle come per un gioco. Conto una per una le luci del cielo Racconto avventure di gioia e dolori E penso di essere come sono loro Sempre camminando e sempre fuggendo. Corriamo inseguendo lo stesso destino. 26 Ho lo stesso destino del vento: corriamo cercando pace e sicurezza. Non dormiamo mai nella stessa stanza. Seguiamo la legge della latitanza. Il vento, per me, è un grande maestro. E’ con l’aria fredda che mi tiene allerta. Io passo i giorni sempre molto in fretta Perché sono uscito da una prigione. Perciò io non becco l’esca della trappola Non sono un uccello stupido o imprudente Che ritorna a casa quando è sceso il sole E trova la rete pronta ad acchiapparlo. Volando ad altezza quasi sempre uguale, trova giusto il laccio per le sue penne Fintanto che un giorno ci rimane preso. 28 Ci rimane preso come una gallina, Che non sa volare. E passata l’ora, Quando è sceso il buio e non vede più Sbatte stoltamente nella rete aperta. Il volare basso è pericoloso Se non si sa dove piazzano le reti. Uccello, raddrizza! Vola più in alto Che neppure il gatto ti possa acchiappare! 29 Certo, la giustizia mi può sempre prendere Grazie ai traditori pronti sempre a vendermi. Così, con inganno, fui consegnato. Ma stavolta, penso che prima di arrendermi Più di una luna dovrà tramontare. Per legarmi bene non basta lo spago Ed è poco il tempo per quest’uccellino Non voglio passare la vita in prigione! 30 Non voglio passare per un delinquente Perché non ho ucciso né ho scassinato. Se mi hanno preso per un prepotente Si deve all’aiuto che diedi ad un povero Per fargli ottenere quanto gli spettava Da parte di un ricco duro e sfruttatore. Gli aveva legato i piedi alla catena E con quella pena voleva obbligarlo A fare la guardia al posto del padrone. 31 Faceva la guardia legato da cane Proteggendo sempre l’altrui ricchezza. Per poter mangiare un pezzo di pane Sognava riavere la sua dignità. Conobbi la storia e decisi subito Di fare di tutto per renderlo libero. M’azzardo ad entrare e trovo il padrone Non certo contento di vedermi dentro. 32 Con fare sospetto mi vede in cortile La rabbia era in faccia e usciva dagli occhi Come da un fucile pronto per sparare Stavo liberando l’amico Costante Perché d’ora in poi lo volevo uomo! 33 Lo volevo un uomo libero da pene Tanto disumane da non poter credere La vita del povero è sempre in catene E quel che le mette è un fuorilegge Perché con i soldi male guadagnati Paga gli avvocati e paga la giustizia E con più abbondanza desidera beni. Gli manca soltanto che venda la madre! 34 Alla madre e ai santi chiede che l’aiutino Quando si è visto stretto così forte. Ha paura e grida, quasi alla follia, perché già si crede stretto dalla morte. E’ questo il delitto che mi ha bandito Da feste, paese, amici e famiglia Mi vedo da molti schivato che…peste Il dolore, a carri, mi riempie il cuore. 35 Ho il cuore invaso da mille demoni Quello che raccontano non è verità E il cuore, a volte, ha delle ragioni Più non dominate dalle forze oneste. Il mio sangue bolle gonfiando le vene. Le cose che penso, mi sembrano d’altri Mi contengo appena dal volerle fare Non posso negare che è questo l’istinto. 36 E’ questo l’istinto che io voglio vincere Anche se è forte la tentazione Di farmi le leggi per poter convincere Me stesso e gli altri irrazionalmente. La scommessa è questa che mi son proposto: vincere l’arbitrio di certi che legano e lasciano in catene, senza più pietà, le povere vittime, senza libertà! 37 Senza alcun rispetto rinchiudono in grotte le povere vittime con le funi al collo per ogni bisogno c’è un grande dolore. Tutte queste cose come il grano vaglio Io le rifiuto perché sono indegne, esse non si addicono, sono una vergogna e non è raccolto che riempie il sacco Solamente un pazzo le può immaginare. 38 Le può immaginare e può fare danno Perdendo la testa come cinghiale ferito Che più non distingue tra piccolo e grande E cambia con tutti la ragione in lite. Finché il bisticcio diventa una rissa. Non credo sia questo il modo più giusto, l’istinto del sardo. Anche se bandito, mai un arrogante voglio diventare. 39 Voglio diventare libero nel cuore E’ il desiderio che ho da bambino. Spero che non tornino i tempi del moro, ma possiamo vivere come il fiume liberi. Da quando i nuraghi sono conosciuti Il sangue dei sardi si è mescolato, ma è rimasto sardo il senso comune di gente fidata, come il vento libera. 40 Come il vento libero io voglio cantare Cantzonis, mutetus, gocius, batorinas. Uso la chitarra per accompagnarmi Ma sono da solo quando li compongo. Io amo i temi che vanno diretti A toccar la vita con le sue mode E facciano entrare il fuoco nelle vene, calmino le pene e portino gioia. 41 Divampi la gioia del fuoco nelle stoppie Che lascia la terra pronta per arare, Cuore e sentimento io li voglio puri In modo che possa spargere il buon seme. Io non rinuncio a dire quel che penso Poiché sale in bocca quel che c’è nel ventre Se la gente approva, ne sono contento, ma resto padrone delle mie idee: 42 Delle mie idee di sardo bandito Duro come il tronco di un’antica quercia. Quel che vedo canto con sincerità Mettendo nel canto amore d’amico, Ch’io canti per ridere o canti per piangere Vado sempre dritto perseguendo il fine E non mi preoccupo di chi sta ascoltando. Canto solamente ciò che credo bene. Quel che credo un bene come lo è il pane Come lo è il sole che spunta al mattino Come un cane fido perseguo il mio scopo. Nessuno mi obbliga dicendomi: provaci! Per farmi cantare quel che pensa lui. A domanda posta, io rispondo a tono Secondo il mio gusto e come mi pare E’ questa la legge che voglio seguire 44 Se penso servire la gente e la vita Volando nel cielo o stando sulle nuvole È’ meglio che all’arte presto dica addio Prima che la gente mi dica: “ma tu, Dove stai vivendo per cantar così? Canta con il cuore, suona la chitarra, scendi sulla terra, non cantare inganni taglia quelle funi, butta via la maschera! 45 Butto via la maschera di sardo…pentito, Scendo giù dal cielo e sto sulla terra. Non sono un pidocchio diventato ricco, io non mi sbaglio nel fare la guerra. Anche se ho cantato davanti a pancioni Che sono padroni di gente e ricchezze L’ho fatto… pungendo il loro sentire. 46 ho messo zizzania prima di tradire fratelli e sorelle della mia razza. E come si scioglie nel fuoco la pece Mi è naturale fare il mio dovere. Prima la Sardegna, poi viene il mondo. Son di Villagrande, di Quartu, di Mara, Giunto a Carbonara con gli Ogliastrini, E’ sardo il destino che devo seguire. 47 Io devo arare terre recintate Per spargervi il seme scelto, ben formato. E’ di quel lavoro che noi raccogliamo E non ha mai dato spighe senza grano. Io canto oggi, ma canto all’antica I canti di sempre, e sono moderni. Li ho trovati scritti nella tradizione. E’ qui che ho imparato l’arte di cantare. 48 Anche se mi uccidono, io canto così. Possono bruciarmi casa e chitarra, usare minacce che altri spaventano Non cambio maniera, non temo sventure! Anche se nei boschi, canto come il vento. Quando la canzone è bella e sincera Corre come voce, entra come l’aria Come l’oleandro fiorisce tra le pietre. 49 Fiorisce tra le pietre e lungo i torrenti Affonda radici in cerca di sostanza Convince, tormenta ed agita problemi, rimuove la terra e porta abbondanza. Il canto non muore, ma vive in eterno, non ha né confini e non teme leggi, Anche se a…piedi, continua la strada Sempre alla ricerca di gente che ascolti. 50 Che accetti messaggi proposti dal tema Che ascolti attenta discorso e ragioni, qual è il vento giusto che ispira il poema e se dice cose per il mondo intero. Così, si può dire che un canto è accolto. Io canto ancora perché credo nel canto. Ad un caro amico io lo consegno. E chiedo ai santi protezione e guida Perché arrivi presto col canto in Paese. 51 Di questo canto al mio paese Invio la commissione. Anche se porta scompiglio Bisogna che mandi la notizia Perché la gente non deve pensare Ch’io sia ancora in prigione 52 La mia prigione oggi è il monte Dove vivo in compagnia, perché l’ho sempre vicina, la chitarra che ho comprato. Con lei canto al tramonto Alleviando la mia vita. 53 Quando si stende la notte Il monte è tutto in silenzio. L’oscurità copre tutto E ballano in celo le stelle A mani strette con le parole Che escono dal mio cuore. 54 La chitarra inventa suoni Più potenti dei pallettoni. Dicono che muove rivoluzioni E mette sottosopra costumi. I cannoni con il loro piombo Non cambiano le convinzioni. 55 Dove arriva la canzone Entra senza violenza e fretta. Ogni cosa ha la sua legge Ed anche il canto ha la sua. Se arriva di nascosto Si presenta sicuro e in piedi. 56 Quando cominciai a cantare, come chi cammina scalzo, il mio canto era sempre corto e giungeva quando poteva. Non facevo bene il ritornello Perché non c’era…acqua nel pozzo! 57 Quando uno canta da solo E’ più corta la cantata Ma s’allunga stando con altri E con la chitarra…vola. Devi per forza accettare Di resistere fino alla fine. 58 Passavamo le notti cantando Facendo le ore piccole. Non facevamo male a nessuno Perché era tra noi il bisticcio. Ognuno andava avanti dritto In clima di grande festa! 59 Da giovani cantavamo versi Per gioco e versi d‘amore. Così vincevamo i dolori Con canti e…sbornie solenni. Il vizio era la galera Dei poveri bevitori 60 Era abitudine di molti L’ubriacarsi di domenica Diventava una condanna Vedere uomini buttati, Curvi da una parte o dall’altra Cercando un angolo per stendersi. 61 Il canto mette in evidenza Virtù e vizi conosciuti Io ne ho fatto una raccolta Per non perderne il ricordo. Il seme sparso giocando Può crescere bene negli orti. 62 Le cose che sto cantando Non vengono in mente per caso. Ho capito con la pazienza Il segreto delle cose cantate. Io non canto per…riempire il vuoto Né tacio davanti alla prepotenza. 63 Di quel che ci ha resi felici Possiamo dimenticarci. In ogni rovo rimane Lana e pelo di animali. Nella memoria resta il male Che per colpa nostra meritiamo. 64 Io mastico prima di inghiottire. Se il cibo risulta duro, prima che giunga al palato, lo macino bene coi denti. E quando arriva nello stomaco ne conosco già bene il gusto. 65 La vita mi ha insegnato Quanto vale quel che viviamo. Le mescolanze che facciamo Con le pene e con le gioie, Sentite dire o sofferte, ci aiutano nei momenti duri. 66 Il bisogno mi ha fatto passare Al di là di monti e mari. Non ho trovato terre piane, le ho dovute rendere tali. Per esperienza posso dire: “Attento, prima di entrare!” 67 Se conto i giri di ruota E le volte che ho inciampato Non avrei pensato mai Di poter raccontare i ricordi. Oggi ho davanti agli occhi Tutto quello che ho sofferto. 68 Gran bella cosa la memoria Che custodisce la vita trascorsa. Se oggi la ricordo ancora Lo devo a quella cassetta. Tu mi chiedi perché Io te l’ho raccontata? 69 E’ legge che ognuno cerchi Di vivere più che possibile. Il cantare le cose prima Che finisca il giorno e imbrunisca, Fa sì che si allunghi ancora La vita più del normale! 70 Desiderio e gloria si ritrovano Nel cuore di ogni uomo Che vive e muore pian piano Come fiore o erba nel campo. E più rapido del fulmine Ad ogni notte arriva il mattino. 71 Dico: ad notte il mattino E non: ad mattino la notte Perché, anche se viene la notte Non muore ciò che abbiamo fatto. Canta il paese e la campagna Le avventure del paesano. 72 Ognuno pensa e crede Quello che gli pare e piace. Nessuno può domare l’aria Per farla fredda o calda Solo pensarlo è insolente Perciò ci manca la pace 73 Mi sono deciso a gridare Dall’alto di questo monte Ed ho gettato un ponte Dai Cavoli a Calaburroni Canto presto come il gallo Ma, senza cresta sulla…fronte! 74 Non giudicarmi azzardato Se ho oltrepassato i confini Entrando nel seminato Delle recinzioni altrui. Prima che brucino le stoppie D’un salto attraverso il campo! 75 Per me, ogni posto è di altri Perciò vi passo di corsa. La giustizia mi perseguita Venendo dietro infuriata. Sogna d’avermi preso Ma cerca ancora di prendermi. 76 Il mio nome non lo dire, Potrebbe nascere il sospetto D’avermi aiutato o nascosto In casa o nel tuo ovile. Ognuno ha quel che è suo, Io resto sempre il BANDITO