Curvas serradas e potas trotas…

Custu est unu contu de cosas sutzedias in Crabonaxa, bidha, si podit nai, enemiga de is bidhas de su Sàrrabus: Muravera, Bidh’e Putzu e Santuidu. No fut mai sutzediu chi unu piciocu de bidha si fessit fattu a isposu cun d’una... Santuidesa. Esistiat una  guerra no dichiarada, ma sempiri in pei. Fiat pati de sa storia antiga de custas bidhas e dha bivestus totus. Fut una traditzioni acetada de totus de ariseru, po hoi, po cras e po’ sempiri...
Ma no de unu giovunu modernu chi fut torrau a bidha apustis paricis annus bivius in Continenti. Sa distantzia e su tempus passau foras ndi dh’hianta fattu iscaresci is traditzionis de bidha e si fut fattu a isposu propiu cun d’una Santuidesa!! M’arregodu ca in domu de issu ndi chistionànta fintzas e is...pudhas: sa mama, una dì, chistionendi de custu fattu cun d’una bixina amiga, hiat manifestau su disprexeri de su coru suu cun custus fuedhus: “Una cosa di aici no dh’hestus mai intendia in bidha nosta...Castia a biri tui, Annica, cantu sacrifitzius fait una mama po pesai un filu e poi benit una...santuidesa e i si ndi dhu pinnigat!!”Discusionis e cetus fuant cosa de donnia dì cun su madiru, (homini tranquilu chi lassàt fai a is filus su chi fainti totus (“...No funti mancu pipiedhus po dhis nai su chi podint o no depint fai...”) e cun su fillu po dhu fai istorrai. Ma Antioghedhu si fut coiau e totu. E si podit nai ca, a cosas fattas, sa mama puru ndi fut abarrada cuntenta. Donnia lunis Antioghedhuu patìat cun sa mulleri a Santuidu po nci passai sa dì cun is connaus, is connadas, su babbu e sa mama de sa mulleri. No si podit negai ca su tempus  dhu prenìanta beni. Is hominis e tanti, a is contus e a is chiaccheras aciungìanta petza, pisci, anguidha, olia, casu martzu, callu.
Totu cositedhas po fai donnia buconi una tassa... Candu depìanta torrai a Crabonaxa sa propiu dì, Antioghedhu fut controlau a vista de sa mulleri po chi no hessit bufau prus de su tanti. No arribànta mai a istabiliri su tanti giustu chi podiat bufai.
Po cussu, candu patìanta fut sempiri a ogus de lissa aluada e abetiosu chistionendi. Aditziu-aditziu nci dha fiat a guidai, ma guidàt issu, poita ca de sa mulleri, candu fut in cussas cunditzionis, no si fidàt mai “Ca tui mi bolis ispedri...”, dhi naràt.
Antioghedhu tenìat tres debilidadis prus fotis de sa volontadi sua. Candu fut prexau dhi pigàt a badhai, a abetiai e a bufai.
E cantu prus bufàt, prus abetiada. Cun chini si bolat chi fessit, issu depìat abetiai e, candu fiat, badhai. Soti sua ca sa mulleri no fut gelosa. Candu issa dh’arroscìat, dhu lassàt badhai. Un’ota fuant andaus a Santuidu po una festa. Apustis cena patint a badhai a sa sala de su connau. Ingunis hìat connotu a sa mulleri e fut istetiu patendi de cussu locali po torrai a bidha a is cuaturu de chitzi, cun d’una cincucentus mali pigada, chi in d’una curva “serrada prus de su tanti...”, naràt issu po no ammitti ca fuat indromiscau e passau de gradatzioni,  nci fut bessiu a...papai àxina in d’una bingia, cussa puru “troppu in s’oru de su stradoni!”, naràt issu.
Sa dì de sa festa fut arribau a su saloni giai a conca grai. Ma invecis de arrespetai is cunditzionis suas e de ascutai is contzillus de sa mulleri, setzendisì, no bufendu prus, cumentzat a abetiai ca “issu no fut a i cussu puntu e ca fut benìu po badhai  e deu badhu mancai no bòlasta tui...Badhu cun tui o cun chini mi pàrit e pràxit”. Sa mulleri, po no fai bregungia, brìntat a sa pista e fait unus cantu girus. Poi si fut arroscia e si fut setzia. Castiàt s’arrelogiu e castiàt a su madiru chi parìat in sa melus dì de s’annu. Si cumenti depìanta patiri sa dì e totu, cumentzàt a si preoccupai po s’ora e po is cunditzionis de su madiru. A s’acabàda de donnia giru andàt a bufai. Cicàt a calencunu po abetiai e no dh’agatàda. Sighìat badhendi e bufendi e sa mulleri setzia abetendi po si nd’andai.
“Antioghedhu, la ca depis trabalai cras. Funti giai is tres de chitzi...andaus si ndi”.
Cumenti e chi mai si dh’hessit nau. Firmàt de badhai, torràt a bufai e torràt a badhai, ma sempiri in cica po abetiai. Si bìat ca fut nervosu. Dh’amancàt cosa e no podìat patiri. Issu depìat abetiai cun calencunu prima de patiri. A is tres e mesu fut brintendi a badhai cun sa connada. Sa mulleri dhu firmat e dhi nàrat: “Antioghedhu, funt is tres e mesu. Bai e abetia ca si nd’andaus!”. Sa connada si fut posta de acodriu cun sa sorri. “Naradhi ca tui no  bollis badhai cun issu. Naradhi ca tenit fragu pudesciu...Mandadhu a si sciacuai is peis...”.Unu nau unu fattu. Dhu narat a su connau, chi fut giai abetiendi a boxi ata in sa pista. “Ah, tui puru ti ponis cun issa?”. Discutint, abètiat e dhu lassat in mesu de pista “... Bai e isciacuadi is peis...”. Custu gei dh’hiat fattu. Ndi torrat a sa pista cun is patalonis arremangaus, s’acostat acanta de un’amiga de familia po dha pigai a badhai tirendhidha de sa manu, “... andaus, a sa facci de mulleri mia e de sa sorri puru...”. Sa picioca fait una pariga de girus furriendi sa faci de sa de Antioghedhu e poi dhu lassat tupendisi su nasu cun is didus...“Ma no t’acatas a su puntu chi sesi? Est una bregungia!”, dhi narat sa mulleri candu si dhi fut acostau cichendi... contzolu. Dhu castiat de peis a conca e cumprendit po ita sa picioca dh’hiat lassau cumente e unu burricu in mesu de sa pista a facci trota: apustis chi si fut isciacuau is peis si fut postu is migias in su taschinu de sa camisa...Biendisi...istorrau, e cotu che una pira, si fut lassau cunvinci de sa mulleri ca fut ora de torrai a domu e patinti conc’a Crabonaxa. Su stradoni parìat atrociau aposta cun totus cudhas curvas una avatu de s’atera... Sa macchina fut de una pati a s’atera che burricu itzrupu. A sa mulleri no dh’abastànt is manus po s’aguantai. Una sidhada a su sedili e s’atera a sa maniglia. Cun d’un’ogu castiàt a su madiru e cun s’àteru su stradoni. A dentis sidhadas e citìa po no fai abetiai su madiru chi fut guidendi cument’e chi fessit in... formula uno. Lòmpint a sa curva famosa, no aguàntat prus e itzèrriat: “Antiogu... la ca cussa curva est tropu serrada!...”“Ah, sì, e ita fatzu, mi firmu, si dhi fait issu arriendi,... abeta ca, a is cuàturu de chitzi, benint a dh’oberri po tui!”. Ma s’abetiu no fut acabau. Arribaus a domu intzoru, cumenti Deus hiat potziu, issu a innantis e sa mulleri infatu, impunnat a dom’e lettu po si crocai. Bai e cica chi fessit po brula, po torrai in paxi cun sa mulleri, po stanchesa, po imbriaghera o po totus custas cosas paris, a donnia modu issu si firmat ananti de sa pota de s’aposent’e lettu, s’apogiat a su muru cun is manus, si girat a castiai sa mulleri e dhi nàrat “cussa pota est trota... no dha bisi?”.“Gei dha biu, ma no est trota. Su trotu ses tui notesta! Cammina aintrus”.“E deu dha biu trota e no abetisti ca no tengu prus gana de abetiai! Est trota e non ci passu”. “Ca gei nci passas...ahi” Si stesiat de su madiru, e torrat a impunnai currendi conc’a su madiru cun is manus tendias. Dhi donat una spinta e dumbidhi a su lettu Antioghedhu. Hiat fattu tot’unu, a brintai, a si crocai, e a si dromiri cun crapitas, pantalonis, cravata, camisa, giancheta e... imbriaghera. Totus in su propiu lettu. Ma, fortzis sa notti, ca issa no dh’hat mai iscoviau a nisciunus e su madiru no s’arregòdat prus de nudha, sa mulleri hìat dromiu a pati.

                            Arrafieli Boi

Curve strette e porte storte...

Questo è un racconto di cose successe a Villasimius, paese, si può dire, nemico dei paesi del Sarrabus: Muravera, Villaputzu e San Vito. Non era mai successo che un giovane del paese si fosse fidanzato con una di San Vito.
C’era una guerra non dichiarata, ma in atto.  Faceva parte della storia antica di questi paesi e la vivevamo tutti. Era una tradizione accettata da tutti da ieri, per oggi, per domani e per sempre...
Ma non da un giovanotto moderno che era tornato in paese dopo parecchi anni vissuti in Continente. La distanza e il tempo passato all’estero gli avevano fatto dimenticare le tradizioni del paese e si era fidanzato con una di San Vito!! Mi ricordo che in casa del ragazzo ne parlavano anche le galline: la madre, un giorno, parlando di questo fatto con un’amica vicina di casa, aveva manifestato il dispiacere del suo cuore con queste parole:
“Una cosa così non l’avevamo mai sentita nel nostro paese...  Vedi un po’ tu, Anna, quanti sacrifici fa una madre per allevare un figlio e poi viene una...  di San Vito e glielo porta via!!”Discussioni e bisticci erano cose di ogni giorno con il marito, (uomo tranquillo che lasciava fare ai figli quello che fanno tutti “...  Mica sono dei bambini per dover dire loro quello che possono o non devono fare...”) e con il figlio per distoglierlo. Ma Antioghedhu si era sposato lo stesso. E si può dire che, a cose fatte, anche la madre ne era rimasta contenta. Ogni lunedì Antioghedhu partiva con la moglie a San Vito per passarvi la giornata con i cognati, le cognate, il padre la madre della moglie. Non si può negare che il tempo lo riempivano bene. Soprattutto gli uomini, ai racconti e alle chiacchiere aggiungevano, carne, pesci, anguille, ulive, formaggio masticato, caglio. Tutte cose per fare per ogni boccone un bicchiere... Quando dovevano tornare a Villasimius in giornata, Antioghedhu era controllato a vista dalla moglie perché non bevesse più di quanto poteva sopportare. Non arrivavano mai a stabilire la quantità giusta che poteva bere. Per questo quando partivano aveva  sempre gli occhi da muggine stordito contraddittorio nel parlare. Appena appena ce la faceva a guidare, ma guidava lui, perché della moglie, quando era in quelle condizioni, non si fidava mai “Perché tu mi vuoi sperdere”, le diceva. Antioghedhu aveva tre debolezze più forti della sua volontà. Quando era alticcio gli dava per ballare, per contraddire e bere. E quanto più beveva, più contraddiceva e ballava. Con chiunque fosse, lui doveva contraddire e, se si poteva, ballare. Per fortuna sua che la moglie non era gelosa. Quando ne era stufa, lo lasciava ballare. Una volta erano andati a San Vito per una festa. Dopo cena partono a ballare nella sala del cognato. Lì aveva conosciuto la moglie ed era stato partendo da quel locale per tornare in paese alle quattro del mattino, con una cinquecento sgangherata, che in una curva “stretta più del dovuto”, diceva per non ammettere che dormicchiava e con qualche grado in più, era uscito fuori...a mangiare uva in una vigna, anche quella “troppo vicino alla strada”, diceva. Il giorno della festa era arrivato alla sala con la testa già pesante. Ma invece di rispettare le sue condizioni e di ascoltare i consigli della moglie, sedendosi, non bevendo più, comincia a contraddire che “lui non era a quel punto e che era venuto per ballare e io ballo anche se tu  non vuoi... Ballo con te o con chi mi pare e piace...” La moglie, per non far vergogna, entra nella pista e fa un paio di giri. Poi si era stufata e si era seduta. Guardava l’orologio e guardava il marito che sembrava nel più bel giorno dell’anno. Siccome dovevano partire il giorno stesso, comincia a preoccuparsi per l’ora e per le condizioni del marito. Alla fine di ogni giro andava a bere. Cercava qualcuno per controbattere e non lo trovava. Continuava a ballare e a bere e la moglie aspettava seduta per andarsene.“Antioghedhu, guarda che domani devi lavorare. Sono già le tre del mattino...andiamocene”. Niente. Smette di ballare, va di nuovo a bere e rientra a ballare, ma sempre in cerca per discutere. Si vedeva che era nervoso. Gli mancava qualcosa e non poteva partire. Lui doveva discutere con qualcuno prima di partire. Alle tre e mezzo stava entrando per ballare con la cognata. La moglie lo ferma e gli dice: “Antioghedhu, sono le tre e mezzo. Vai e discuti che ce ne andiamo!”. La cognata si era messa d’accordo con la sorella. “Digli che tu non vuoi ballare con lui. Digli che ha cattivo odore...mandalo a lavarsi i piedi...” Detto, fatto. Lo dice al cognato, che stava già controbattendo a voce alta nella pista. “Ah, anche tu ti metti con lei?”. Discutono, controbatte e lo lascia in mezzo alla pista “... Vai a lavarti i piedi...”. Questo l’aveva fatto. Torna nella pista con i pantaloni tirati su, s’avvicina a un’amica di famiglia per prenderla per ballare tirandola per la mano, “... andiamo, alla faccia di mia moglie e anche della sorella...”La ragazza fa un paio di giri voltando la faccia da quella di Antioghedhu e poi lo lascia tappandosi il naso con le dita...“Ma non t’accorgi a che punto sei? E’ una vergogna!”, gli dice la moglie quando si era avvicinato in cerca di... consolazione. Lo guarda dai piedi alla testa e capisce perché la ragazza l’aveva lasciato come un asino in mezzo alla pista con la faccia storta: dopo che si era lavato i piedi si era messo le calze nel taschino della camicia...Vedendosi... rifiutato, e cotto come una pera, si era lasciato convincere dalla moglie che era ora di tornare a casa e partono per Villasimius. Sembrava che la strada fosse stata storta a posta con tutte quelle curve una dopo l’altra... La macchina andava da una parte all’altra come un asino cieco. Alla moglie non bastavano le mani per tenersi. Una stretta al sedile e l’altra alla maniglia. Con un occhio guardava il marito e con l’altro la strada. A denti stretti e zitta per non far discutere il marito che stava guidando come se fosse in... formula uno. Arrivano alla curva famosa, non resiste più e grida: “Antiogu... guarda che quella curva è troppo chiusa!...”“Ah, sì, e cosa faccio, mi fermo, le fa lui ridendo, aspetta che, alle quattro del mattino, vengono a aprirla per te!” Ma il contradditorio non era finito. Arrivati a casa loro, come Dio aveva potuto, lui davanti e la moglie dietro, va verso la camera da letto per coricarsi. Vai a sapere se fosse per scherzo, per tornare in pace con la moglie, per stanchezza, per l’ubriachezza o per tutte queste cose insieme, ad ogni modo lui si ferma davanti alla porta della camera da letto, s’appoggia al muro con le mani, si gira per guardare la moglie e le dice: “quella porta è storta... non la vedi?”.“Sì che la vedo, non è storta. Lo storto sei tu stanotte! Cammina dentro”.“E io la vedo storta e non contraddire perché non ho più voglia di controbattere! E’ storta e non ci passo”.“Sì che ci passi...”, Si allontana dal marito, torna correndo verso di lui con le mani tese. Gli dà una spinta e op a letto Antioghedhu. Aveva fatto tutto allo stesso tempo: entrare, coricarsi, addormentarsi con le scarpe, pantaloni, cravatta, camicia, giacchetta e... sbronza. Tutti nello stesso letto. Ma, forse, perché lei non l’ha mai rivelato a nessuno e il marito non si ricorda più di niente, quella notte la moglie aveva dormito a parte.
 

Raffaele Boi