|
Candu su Patidu Cumunista Italianu si fut postu in movimentu po cambiai nomini e sangunau, is dirigentis de sa setzioni cumunista de Crabonaxa, po evitai sa divisioni in duas alas, traditzionali e rinnovadora, hianta cumentzau una discussioni in setzioni cun is tesseraus chi frecuentanta. Su pirigulu de divisioni fut cumentzau in totu s’Italia apustis sa sciusciada de su muru de Berlinu e de su grandu imperu Sovieticu de sa Russia. De is chistionis chi pigàt sa genti in piatza arresutàt craru ca in bidha puru sa divisioni de su patidu, una dì o s’àtera, podiat sutzedi. Po cussu is dirigentis si depiant organizai po chistionai con totus is tesseraus po fai cumprendi beni su chi fut sutzedendi in donnia logu. Cumenti fai po chistionai a totus ? Innui e candu si podianta chistionai is chi no benianta prus in setzioni de candu fut cumentzada sa discussioni po cambiai su nomini de su patidu?. Custas preguntas si dhas poniant is de su direttivu, ma a medas, apustis su sconcuassu de su grandu patidu sovièticu, no ndi dhis impotat prus nudha. Prus pagu ancora a is antzianus chi, ascutendi sa televisioni e ligendi is giornalis, hianta giai intendiu custas chistionis cun pagu prexeri. Si scit ca is antzianus, candu si trattat de cosas noas, frunzinti sempiri su bruncu. « Custu tenit fragu legiu e bai e cica in ita scopu sianta fendidhu ? », si preguntanta. Donnia patidu tenit duas categorias de attivistas: s’attivista incarrigau de su patidu e s’attivista naturali. Is chi fainti propaganda po offitziu e is chi dha fainti poita ca teninti sa politica in su sanguni. Dha fainti po passioni, sempiri, cun totus, in donnia logu e sentza de amuntonai genti fendi batalla. Donnia incontru est un’ occasioni bona po chistionai de politica. Custus funti is prus ascutaus de sa genti poita ca sa genti dhus considerat onestus. “No funti bendius...dhu fàinti po su beni de su populu, no po sa buciaca o po’ su patidu e totu”. Custus attivistas fuanta timius de is dirigentis ca no si lassanta incuadrai facilmenti in is bideas noas de su patidu. Fuanta timius ca sa genti, is femminas, is pentzionaus e medas giòvunus puru, ascutanta prus a issus che a is àterus. Propiu in custu momentu is bideas offitzialis de is dirigentis fuanta fendi bias fadhias cun is de is antzianus e is cunsecuentzias po su patidu, lassendi andai is cosas a chirru in basciu, podiant essi malas. Primu pirigulu, sa divisioni. E divisioni bolit nai debilidadi interna cun is patidus contrarius. Preoccupau po totus custas possobilis consecuentzias, si fut riuniu su direttivu e hiat incarrigau a cuaturu cumpangius sigurus de andai a chistionai a is cumpangius chi no passanta prus in setzioni de unu pagu de tempus a i custa pati, e discutianta in donnia logu cun totus is cumunistas e aterus. Praticamenti, fuanta fendi custu traballu de candu fut cumentzada sa discussioni po cambiai su nomini a su patidu cumunista italianu. “Nosu depeus discuti custas bideas prima de totu cun issus. Depeus bandai a dhus chistionai innui si bolat chi siada : in is baris, in sa bia, in is bangus de piatza, in is iscalinus de cresia …a facci de is democristianus chi si creinti meris de sa cresia, de su predi e de Deus puru. A is antzianus chi traballant ancora, dhus depeus biri mancai siat in su traballu. A is pentzionaus dhus podeus incociai in piatza…”. Custus fuanta is ordinis discutius e donaus a is cuaturu cumpangius cun sa lista de is attivistas prus cunvintus, antzianus e pirigulosus. Is primus de biri fuanta Pretinu Craboni, su Pulixi, e Pretinu Cuccu, Pei Longu. Su traballu chi fianta, is connoscentzias chi teniant in bidha, e s’antzianidadi in su patidu, dhis permitiat de acostai genti meda e cun totus chistionanta de su patidu a modu intzoru… Sa genti, massimamenti is femminas, no cumprendiat nudha de is grandus chiaccheras politicas, de su chi fut sutzediu in Russia, in Germania... A ditziu a ditziu isciat su chi sutzedìat in su cumunu de bidha e s’interessat cudhu tanti chi dhi permitiat de votai po su patidu giustu in is eletzionis. Custu, cun passientzia e argumentus serius, depiat interessai a totus po fai a cumprendi a sa genti cali fut su patidu giustu. Custu fut su chi hianta cumentzau a fai su Pulixi e Pei longu. Dhu fianta cun sa passioni de is primus votatzionis democraticas natzionalis. De is tempus de Naitza, Marini…in su 47/48, candu is cumunistas cetanta cu su predi propiu cumenti cetada Pepponi e don Camillu. Po Pasca de su 48 su predi fut torrendi a cresia de benedexi is domus e prima de intrai a cresia Marini, no m’arregodu po ita fessit su cetu, dh’hiat amaletzau malamenti cun custus fuedhus precisus : « Dh’ hat a benni a biri fustei, signor prete, ca, chi no fait su doveri suu in cresia e sighit a si ponni in politica fendi patis a su patidu de is cresiasticus interessaus a si setzi in sa cadira de su cumunu, chi binceus, dh’ impiccaus in s’ altza bandiera de piatza! Arregodit si custus fuedhus ! » In cussas primus votatzionis fuant abarraus fuedhus e amaletzus feti. Su cumunista no hiat bintu. E mancai hessit bintu, a su predi no dh’hiant a essi impiccau su propiu. Cussas cosas no fuanta cosas pentzadas in bidha, ma intendias o ligias in calencunu foliu preelettorale chi arribàt de Continenti a su patidu. Su chi est siguru est ca in cussus tempus is cetus prus mannus si fianta cun su patidu avversariu. Mentras hoi cetanta tra issus, dividendisi in traditzionalistas e rinnovadoris.
« Nosu no seus furriotus, seus
cumunistas po sempiri” naranta custus. E dhu naranta po su chi “est
sutzedendi po curpa de custu papa in Polonia, in Russia, in Germania e innoi
puru…Po curpa de is traitoris de s’ala rinnovadora ». Is de s’ala rinnovadora fuanta cunvintus ca po tenni fortzas in prusu depianta recuperai a is attivistas prus connotus e chi tenianta s’ati naturali po cunvinci e po trascinai sa genti a su patidu. S’unica cosa de fai fut de dhus cunvinci a traballai unius. Ma is tradizionalistas fut propiu custu su chi no bolianta fai, abarrai cun cudhus bendius de s’ala rinnovadora… Po chistionai a su Pulixi e a Pei longu depiant istudiai beni cumenti e candu dhu fai. No impari, ca si donanta codra s’ unu cun s’ ateru. No in domu intzoru o cun atera genti ca sa presentzia dhus podiat carriai de...arrabiu. Sa cosa no fut facili. Su Pulixi e Pei Longu no bolianta biri a manc’unu de cussa genìa. Po cussu no bandanta in setzioni. “Po no ascutai a i cussus pestas chi funti brintaus in su patidu ariseru e bolint imparai su patidu a is antzianus! E i su chi est peus est ca sentza de mancu dhu connosci dhu bolinti furriai fundu a susu cambiendidhi nomini! E no! Mrexani candu cambiat bistiri, abarrat mrexani e totu. Ma custus, bai e cica ita acabu dhi bolianta fai fai a su patidu cumunista chi heus connotu ». Cumpangius, su chi pentzanta de nosu gei dhu scieus, si fait su capu setzioni, e iscieus puru ca is potas po nosu funti serradas, ma no podeus lassai andai is bois a odrinagus isciotus. Depeus andai a dhus chistionai!” Sa decisioni fut pigada e torrada a pigai, ma no si podianta detzidi a movi ca timianta sa reatzioni. Ma cust ota is cuaturu depianta patiri cras a mengianu e totu. Detzidinti de chistionai a mengianu a su Pulixi e a meri a Pei Longu. A is ottu de a mengianu dh’agatanta in su cinau de is Casas isciusciendi unu muredhu a corpus de massa.
« Saludi, Pretinu » De sa castiada, de su sonu iscanniu de sa boxi fut giai craru po totus ca su prexeri de dhusu biri no fut istetiu meda. Duus fuanta po torrai a furriai subitu. Ma su capu grupu hiat salvau sa situatzioni torrendisi a rivolgi a Pretinu : « Intzandus, cumpangiu, deu pentzu ca t’imaginas po ita seus benius, an nou ? » « Gei mi dhu pentzu. E pentzu ca chi no fustis benius hiat a essi istetiu melus po mei e po bosaturus. Ma, podendi essi chi mi sbagli, est melus chi mi dhu nareis bosaturus po ita seis benius“. Cumenti fut chistionendi pentzada : « Si depinti cundennai cun is fuedhus intzoru. Is mius depinti serbiri po dhus isbregungiri ca sa traitoria de custus traitoris, dha depit benni a isciri totu sa bidha…” “ Seu ascutendisi” dhis narat arrimau a sa maniga de sa massa. « Ah, si, beh, is cosas de nai no funti medas ma creeus chi siant impotantis. Ma prus impotanti de su chi ti depeus nai, pentzu chi siat su chi teninti de nai is tesseraus antzianus, cumenti ses tui, meda prus impotanti po su patidu nostu. Totus iscieus ca tui ses unu de is primus tessaraus de bidha. Sa storia chi hasi biviu in tempus prus difficilis de is chi seus bivendi hoi, ti permit de nai cosas utilis. Tui podis agiudai s’ala rinnovadora de su patidu a binci sa scumissa chi dhi domandat sa storia… ». “De su chi hapu fattu po su patidu no tengu abisongiu chi m’ avantisti tui ca no mi nd’impotat nudha. Su chi m’interessat est de isciri su chi seis benius a fai…Seis benius po mi cunvinci a pentzai cumenti pentzais bosaturus, no po ascutai su chi pentzu deu…ca no sid’impotat nudha ». « Po nai sa beridadi, seus benius po s’ una cosa e po s’ atera. E po t’invitai a traballai cun nosu… » « Deu si fatzu abisongiu po cicai clientis, berus est o faulas? Mi boleis fai passai a s’idea de bosaturus po cambiai su patidu. Custu est su chi s’ interessat, cambiai su patidu. » « Beh, sa decisioni no est ancora pigada. Seus discutendi in setzioni. Su malu est ca tui a setzioni no benis prusu e seus benius a intendi su chi ndi pentzas… » « De su patidu o de bosaturus ? » « A nosu s’ interessat su patidu… » « A mei puru m’interessat su patidu. Ma giai chi seis benius a dhu cicai, si naru su chi pentzu de bosaturus puru. A su patidu, lassaidhu cument’ esti. Bosaturus seis traitoris ! Custu est su nomini chi si dexit. » « Ma Pretinu, calmati…» « Deu no mi calmu nudha, ca tengu arrexoni. Seis traitoris ! Calmaisi bosaturus. Antzis, baxeisindi e lassaimi sa conca in paxi. Is chistionis nostas funti finias. No bolu intendi prus nudha. Traitoris ». « Aici no si podeus cumprendi a pari… » « Hapu nau ca no bolu cumprendi nudha. Deu no depu e no bolu cumprendi nudha chi si trattat de si trattat decambiai su patidu. Deu seu cuminista po sempiri… » Torrat a pigai sa massa e torrat a cumentzai a iscudi corpus a su muredhu, murrungendi che gattu papendi prumoni… “An ca dhu bolinti rinnovai ? An cu si torrint a fai de canna scraria po…s’abruxai”. E iscudiat…”a conca de bosaturus po si ndi bogai cussas bideas maccas chi s’ hanti postu in conca is fascistas”. Su primu incontru fut andau aici. Mali. Ma no si depianta arrendi. “A Pei Longu taccat a dhu biri”. Hianta pentzau de andai a s’ impostai ananti de domu po dhu cassai a sa furriada de su traballu o candu nci bessiat, apustis cena, po andai a domu de calencunu chi dh’hiat invitau a cena po acabai is arrexonis pigadas a mengianu in ora de traballu. De unu pagu de tempus a i custa pati no teniat prus paxi e no si ndi podiat aguantai de andai a discuti custa storia de su patidu chi dhi trumbulat su stogumu e sa conca. Sa conca fut unu casidhu de abis. Su stogumu una carrada prena de amesturus de feli, de nervosu, de gana de cetai cun cussus…digratziaus. Su chi dhi fiat prus feli fut ca « is chi bolinti distrugi su patidu no funti is fascistas, ma is propius cumunistas », pentzada. Aici pentzada su cumunista chi depianta chistionai. Firmus in sa bia ananti de sa domu de Pretinu Pei Longu, asuta de su lampioni e iscramentaus de s’arricida chi dhis hiat fattu su Pulixi, hianta pentzau beni cumenti cicai de dhu cunvinci “No dhu depeus atorigai. Depeus avantai su prus possibili is calidadis chi tenit candu si trattat de chistionai de politica cun sa genti...” A s’ora fissada Pretinu oberit sa pota po nci bessiri. Su dhusu biri e i si preparai cumenti dhus arriciri fut istetiu unu lampu. Teniat su latzu parau de diora po dhus cassai, ma no hiat mai pentzau de dhus podi cassai in domu sua. Su essi in domu sua e no in setzioni dhi donat prus siguresa in is fuedhus po binci s’atopetu chi depiat affrontai. No dhus podiat biri mancu pintaus, ma isciat fai bona facci a tempus malu e « Ah, bosaturus seis, cumpangius?”, dhis narat castiendidhus in facci. “Si naru sa beridadi ca fua abetendi si. Brintai a intrus”. Oberit sa pota e brintat. Alluit sa luxi de su salottinu, si setzit in sa cadira sua e invitat a is cumpagius a fai su propiu. « E intzandus, isciaus po ita seis benius”, dhis preguntada. « Beh, prima de totu po isciri cumenti istais. Poi po chistionai de is cosas de su patidu. A tui, ca ses unu de is prus antzianus tesseraus de Crabonaxa, no ti podestus lassai a una pati in momentus impotantis che is chi seus bivendi. Nci teneus chi scipiasta de bucca nosta su chi seus cichendi de cambiai in su patidu. No si parit bellu chi scipiast is cosas de calencunu ispiscinetu chi no connoscit is arrexonis de su chi seus fendi e si ponit a…inventai, narendi tontesas in sa bia, in is baris, in piatza...” « Custu est unu discursu preparau, fut pentzendi Pei Longu, e in prus funti fendidhu a mei…”.
Hiat ascutau totu, ma de su chi hianta nau po dh’avantai no ndi dhi impotat propiu nudha. Antzis dh’ hiat donau fastidiu « ca funti falsus e fraitzus ». Hiat sighiu beni s’ attaccu. « Aici deu, ca no bandu a ascutai is chiaccheras de bosaturus in setzioni, passu su tempus in sa ‘ia ascutendi a is chi chistionanta de su patidu, ma no naranta nudha, ca no iscinti nudha? Ma po, po, po chini m’heis pigau ? E chi, chini si creeis bosaturus ? » Cumenti fut chistionendi si dhi fuant assutzudhausis pilus de su tzugu che sriboni in angiadroxa prontu a satai a pitzus de su cassadori. S’ogu bonu fut boghendi fogu, is fuedhus dhi bessianta de bucca che pampàdas de fogu, sa pedhi de facci si dhi fut frunzìa che terra sidìa. “…E se...seis benìus po mi nai custu!? Po mi nai cun chini e innui depu chistionai de su patidu!? Sa beridadi perou, no si nd’est ancora bessia de bucca. E in…intzandus si dha naru deu ». Custu dhi fiat tropu feli. « Seis benius po…po mi contzilai su chi depu nai ! Est custu su chi heis detzidiu ? » « Beh, nosu no bolestus nai propiu cussu, ma certu ca unu cumenti ses tui, s’ hiat a depi informai beni po nai su…” « Su chi boleis bosaturus, berus ? », dhus firmat arrabiau. « Nou, su chi bolit su patidu nostu… » « Su chi bolit su miu, su chi hapu sempiri connotu, gei dhu sciu. Su chi no isciu e mancu m’ interessat a dhu sciri, est su chi bolit su patidu chi seis inventendi bosaturus a fura fraitzìna, traitoris, pu…pudescius ! » No ndi podiat prusu. Si ndi pesat achichiendi a itzerrius: “Fo...fo...a foras! A sa furca chi s’isperdat! Traitoris! Besseinci de domu mia!”. Una reatzioni contraria gei si dh’abetànta, ma aici violenta. Dhu castiànta ispantaus. No dhu podìanta crei e, no si detzidìant a si ndi andai. “Cu...cumprendiu m’heis, o abetais chi si curra a ischi...ischidoni?” A coa calada che canis iscutus, nci bessint cichendi de cumprendi po ita... “Poita ch’est cotzina”, si fait Prilutzu. Cussu no dhu moveus manc’a picu. Andaus si ndi e a lèsturu puru”. Pei Longu fut de sempiri contrariu a s’ala rinnovadora. Ma de sa dì, sa cunvintzioni ca dha depiat cumbatti po issu fut diventada un’ossessioni chi no dhu lassat in paxi ni a de notti ni a de di. Ndi chistionàt mali cun totus. Po’ donnia clienti, candu brintàt in is pratzas po’ ndi pinnigai s’aliga, tenìat su discursu prontu. Pagus fuedhus, beni cundìus cun feli, passioni e frastimus chi azopiànta unu cuadhu...
“Maladitus sianta! Uh, s’ala rinnovadora! Su spàsimu de s’ùtim’ora dhis pighit prima de is votatzionis...” Bessius is cumpangius, issu puru nci bessit a frisius, a murrungius. In sa bia chistionat solu cumente e unu macu. E sighiat pentzendi frastimus. Antzis si dhus agatàt in buca sentza de mancu dhus hessi pentzaus. Dhi benìant a conca totu paris is frastimus de tziu Antinu a is barracelus de bidha. E si dhus naràt de coru, prenus de feli:
“De maistrali si pesit un’araxi chi distrugiat custa cumpangìa/ An cu intenda is campanas sonendi apenas passau su bentu e in totu sa bidha unu lamentu nendi: funti motus is de s’ala rinnovadora... ...In donnia pilu dhisi bessat e no potzant essi mai tranquillus cun d’unu goroni in donnia pilu...”
« No podit essi…Isfacius. In domu mia un affrontu aici…Furriottus, traitoris…Tantis, no binceis, e si binceis, no si durat. Genti bendia che a bosaturus, si nci boganta a…burricu, che cani arrungiosu de logu de festa…a sonu de corru! ». Lompit cudha dì, timia de una pati e abetada de s’atera e s’ala rinnovadora bincit is eletzionis in bidha, in Sardinnia e in Continenti. “A prus de corrudu, cincus sodhus…Po mi fai sunfriri de prus de su chi seu sunfrendi(hiat fintzas e pentzau de si ndi andai foras de bidha po no biri e no intendi a i cussus bendius), mi mandanta sa partecipa po su primu Contzilu Cumunali e po fai festa in setzioni!”. Arrogat s’ invitu… « No dhui andu! Ni a s’ una ni a s’ ateru. Gei si nd’ hiant a arriri! No bandu”, naràt a issu e totu po si cunvinci ca no depiat bandai… A sa riunioni in setzioni nci dh’ hiat fatta a no bandai. Ma po sa de su Cumunu no si ndi fut aguantau ! Arribada sa dì, cenat, si bistit, buffat prus de su tanti po nci bessiri cun su strexu prenu e bandat conca a su cumunu. Teniat sidi, arsura chi s’ allupada. Fut nervosu. Ma issu pentzat ca fut sidi e bufada. Prima de lompi a piatza si fut firmau in cuaturu butegas. Bufat e chistionat cun totus de is traitoris…In sa bia no saludat a nisciunus. Camminat, chistionat solu e sighiat su talu de is pentzamentus chi teniat in conca.
« Nottesta mi depint intendi cussus bendius a…su vaticanu ! »
A trogulus, a furrius e fumiendi arribat ananti de sa pota de su cumunu. Totu fut festa. « Baah, arratza de festa ?! » matziada tra sei. In mesu de sa genti, sighit sa currenti conca a susu e s’ agatat in sa sala de su Contzilu. Su logu fut giai prenu de genti de donnia colori politicu. Is bincidoris, is chi hianta pedriu, is chi fuant interessaus po intendi is faulas de su sindigu nou...Is chi si fichint in donnia logu po…dhu preni, ma no ndi dhis impotat nudha de nisciunus. Prus pagu ancora de su chi narant is politicus. De s’ala traditzionali dhui fut Pei Longu feti. Issu si fut ficchiu in mesu de totu custu amesturu de genti a ispintas e bocendi sa genti a fragu de binu. Fut pudesciu a bentu e castiau mali de is chi si nci depianta istesiai de issu e de sa primu fila. Su brigaderi de is guadrias urbanas, su marescialu de is carabineris, is guadrias e is carabineris, dh’hianta giai osservau. Ca fut brintau si ndi fuant acataus is de s’ala rinnovadora puru e, biendidhu, no est chi fessinti prexaus meda… « Biu dh’ heis ? Eh i cussu an ca no beniada! Arratza de facci?! Nci fait una bruvara…Dh’ heis a benni a biri ca cussu no si ndi aguantat de nai perrerias…Su brigadieri de is vigilis, fattu a parenti, est giai castiendidhu a trotu… » Totus fuanta citius o chistionendi abelu-abelu. Issu fut a frùscinus. No biat s’ ora chi fessit intrau su sindigu cun is contzilleris Fut beni piatzau po dhi fai intendi beni su chi dhi depiat nai. Candu s’est acatau ca fuanta brintendi, in mesu de sa murìsima chi si fut pesada, prenit is prumonis di airi po chi hessit abastau po aboxinai su chi potat in…su stogumu « Oh su sindigu…gei ti connosciu beni… ca no balis nudha. Bendiu ! Beni a innanti ca ti compuru cun centu francus e mi torranta s’ arrestu puru… ». « Ssss » dhi fai calencunu po dhu fai citiri. « Deu no mi citu nudha…A tui seu narendi, furriottu, bendiu ! Si est sa beridadi…po ita mi depu citiri?” « Berus o faulas » dhi narat su brigaderi, « innoi si depit citiri, de chi nou…” « Tui puru ses cun cussus ? » « Innoi no seu ni de cussus, ni de custus. Innoi depu fai arrespettai sa lei…” « Su... su dinai chi tengu m’ abastat po comporai a tui, a su marisciallu, a is contzilleris e a totu sa canavìa chi potat avatu, ca no bàlinti nudha… » « Podit essi puru, ma sa lei m’ obligat a dhu fai citiri amarola… » « T...tui ? » « Deu e aturus puru » Pei Longu no si fut acatau ca su brigaderi hiat giai itzerriau guadrias e carabineris chi dhu ciapanta a pedhi de cu...curu e, a foras. Mancai a cracinus e a boxis, nci dhu boganta e dhi fainti su verbali: «Cucu Pietro e’ in stato d’arresto per disturbo di ordine pubblico, in atto pubblico, in stato di ebbrezza molesta, per disprezzo dell’autorita’ e per resistenza a pubblico ufficiale… » Cun totu custu ndi dhu hiat po arrestai a issu e a aturus cincu. Passat sa notti in su friscu de caserma. Sa scera de s’arrestu de Pei Longu, sa notti e totu, hiat fattu su giru de totu sa bidha. Donniunu dha contat a modu suu e acciungiat cosa a cosa. « An ca boliat bociri a su sindigu… ». De candu si fut separau de sa mulleri, biviat solu e is parentis si fuanta movius su mengianu infattu. Si ndi presentat unu a caserma po dhu biri. « E’ agli arresti » dhi narat su piantoni. « Agli ita? E…innui ? » « Si e’ fatto arrestare ed e’ gia’ partito per Cagliari dove sara’ giudicato per direttissima… » Su chi si fut interessau fut unu nebodi. Patit a Castedhu po avvisai sa sorri de Pei Longu. Dhi contat su chi fut sutzediu, ma issa no boliat crei. « Ma no mi dhu contis. Cussu feti dh’ amancàda imoi. Maladitta sa politica. Ita podeus fai ? » « Prima de su dibattimentu, nudha ». « Ma deu bolu andai a dhu biri. No podit essi chi, poita ca s’est postu a chistionai in su cumunu, arrèstinti a unu cristianu…Andaus ». Su nebodi, isciendi cument’est sa giustitzia, no fut cunvintu de podi fai calencuna cosa po ndi dhu fai bessiri prestu. Ma sa sorri creiat chi fessit andendi a su mercau a…comporai pisci... « Ma si no hat fattu nudha ! E poi, su chi hat nau, no est sa beridadi?…» « Gei dhu sciu, ma dh’hat nau in logu chi no dhu depìat nai ». A ora de brintai, brìntanta. « Nosu seus benìus po biri a Pretinu Cuccu, de allomingiu Pei Longu, de Crabonaxa. Dhu podeus biri ? » “No, signora, prima del dibattimento no”. “Ma poita, ita hat fattu fradi miu?” « Signora, custu no si dhu potzu nai deu. Si dhu bolit isciri depit chistionai cun s’apuntau Abis. Issu tenit is paperis de su verbali chi dh’hanti fattu in Crabonaxa ». « Certu ca dhu bolu isciri. Seu benìa po cussu. » In dus minutus s’apuntau Abis dhi ligit su verbali. Issa dhu castiat fendidhi a cumprendi ca no hiat cumprendiu nudha de totu cussu minestroni. « Ma si podit isciri ita hat fattu ? » « Su chi hat intendiu. Ma si dhu potzu ispiegai melus…Cussu bellu chicchiu de su fradi, chi potat sa lingua prus longa de su... pei hat chistionau mali a su sindigu narendi ca, segundu issu, no balit nudha. E ca cun centu francus comporat sindigu, contzilleris e no isciu a chini… e dhi torranta s’arrestu puru!” « Ah, e po cussu dh’heis arrestau ? Ma feimi su prexeri. Ndi dhu depeis bogai subitu… » « Certu! e chini dhu narat ? » « Deu, ca seu sa sorri e dhu connosciu melus de bosaturus. Fait sempiri di aici : prima s’imbriagat e poi si ponit a comporai cosas de pagu cabali ! »
Arrafieli Boi |
Quando il partito Comunista Italiano si era messo in movimento per cambiare nome e cognome, i dirigenti della sezione comunista di Villasimius, per evitare la divisione in due frange, tradizionale e progressista, avevano cominciato una discussione in sezione con i tesserati che la frequentavano. Il pericolo di divisione, dopo la caduta del muro di Berlino e del grande impero sovietico, era cominciato in tutta l’Italia. Da quel che diceva la gente in piazza risultava chiaro che un giorno o l’altro la divisione del partito poteva avverarsi anche in paese. Perciò i dirigenti si dovevano organizzare per parlare con tutti i tesserati e far capire bene quanto stava succedendo un po’ dappertutto. Come fare per parlare con tutti? Dove e quando si poteva parlare con quelli che non andavano più in sezione da quando era cominciata la discussione per cambiare il nome del partito? Questi erano gli interrogativi del direttivo, ma a molti, dopo lo sconquasso del grande partito sovietico, non importava più nulla. Meno ancora agli anziani che, ascoltando la TV e leggendo i giornali, avevano sentito queste storie con poco piacere. Si sa che gli anziani, quando si tratta di novità arricciano il naso. “Questa storia puzza e vai a sapere poi con quale scopo lo stiano facendo” si chiedevano.
Ogni partito ha due categorie di attivisti: quello incaricato dal partito e l’attivista spontaneo. Quelli che fanno propaganda per mestiere e quelli che la fanno perché hanno la politica nel sangue. La fanno per passione, sempre, dappertutto e senza ammucchiare la gente facendo chiasso. Ogni incontro è un’occasione buona per parlare di politica.
Questi sono i più ascoltati dalla gente perché li considera onesti. “Non sono venduti...lo fanno per il bene del popolo, non per la loro tasca o del partito stesso”.
Questi attivisti erano i più temuti dai dirigenti perché non si lasciano inquadrare facilmente nelle nuove idee del partito. Erano temuti perché la gente, le donne, i pensionati come anche molti giovani ascoltano più loro che altri. Proprio in questo momento le idee ufficiali dei dirigenti erano all’opposto di quelle degli anziani e le conseguenze per il partito, lasciando andare le cose a ruota libera, potevano degenerare di male in peggio. Il primo pericolo, la divisione. Cioè, debolezza interna di fronte ai partiti contrari.
Preoccupato per tutte queste possibili conseguenze, si era riunito il direttivo che aveva incaricato quattro compagni sicuri di andare a parlare con quei compagni che non passavano più in sezione da un bel po’ di tempo a questa parte e invece discutevano dappertutto con tutti i comunisti e con altri. Praticamente, stavano facendo questo lavoro da quando era cominciata la discussione per cambiare il nome del partito comunista italiano
“Noi dobbiamo discutere queste idee prima di tutto con loro. Dobbiamo parlare con loro dove capita: nei bar, per strada, nei sedili di piazza, nella scalinata della chiesa...alla faccia dei democristiani che si credono padroni della chiesa, del prete e anche di Dio. Gli anziani che ancora lavorano dobbiamo vederli anche al lavoro. I pensionati li possiamo trovare in piazza...”. Erano questi gli ordini discussi e impartiti ai quattro compagni con la lista degli attivisti più convinti, più anziani e pericolosi. I primi da vedere erano Carboni Pietro, su Pulixi-la pulce- e Cuccu Pietro, Pei longu-piede lungo-. Il lavoro che facevano, le conoscenze che avevano in paese e l’anzianità nel partito, permetteva loro di avvicinare molta gente per parlare del partito con tutti a modo loro. La gente, sopratutto le donne, non capivano nulla delle grandi chiacchiere politiche, di quello che era successo in Russia, in Germania...Appena-appena sapeva quello che succedeva nel municipio del paese e s’interessava il tanto giusto che le permetteva di votare per il partito alle elezioni. Questo lavoro, con pazienza e argomenti giusti, doveva interessare a tutti per far capire alla gente quale fosse il partito giusto. Questo era ciò che avevano cominciato a fare su Pulixi e Pei longu. Lo facevano con la passione delle prime votazioni democratiche nazionali. Dai tempi di Naitza, Marini...nel 47/48, quando i comunisti litigavano col prete stile Peppone e don Camillo. A Pasqua del 1948 il parroco stava tornando da benedire le case e prima di entrare in chiesa Marini, non ricordo perché litigassero, l’aveva minacciato malamente con queste precise parole:
“Vedrà lei, signor prete, che, se in
chiesa non fa il dovere che le compete e continua a mettersi in politica
appoggiando il partito di quelli che vanno in chiesa e sono interessati a
sedersi nella poltrona del comune, se vinciamo, lo impicchiamo nell’alza
bandiera di piazza! Ricordi queste parole!”. In quelle prime votazioni erano
rimaste solo parole e minacce.
I comunisti non avevano vinto. E anche se
avessero vinto, il prete non l’avrebbero impiccato lo stesso. Quelle cose
non erano cose pensate in paese, ma sentite o lette in qualche volantino
preelettorale arrivato dal Continente al partito. E’ certo che in quei tempi
i bisticci più grandi si facevano con il partito avversario.
“Noi non siamo banderuole, siamo comunisti per sempre”, dicevano questi. E lo dicevano per quel che “sta succedendo in Polonia, in Russia, in Germania e anche qui, per colpa del Papa, per colpa di quei traditori dell’ala progressista”. La paura che il partito fosse passato di nuovo in minoranza a causa di questa confusione toglieva il sonno a molti. I progressisti erano convinti che per avere un maggior numero di forze dovevano recuperare gli attivisti più conosciuti e che avevano l’arte naturale per convincere e trascinare la gente a entrare nel partito. L’unica cosa da fare era convincerli a lavorare uniti. Ma i tradizionalisti era proprio quello che non volevano fare, restare con quei venduti progressisti... Per parlare con Pulixi e con Pei Longu dovevano studiare bene come e quando farlo. Non insieme, perché si sarebbero dati corda l’uno con l’altro. Non a casa loro o con altra gente la cui presenza li poteva caricare di rabbia. La cosa non era facile. Su Pulixi e Pei Longu non volevano vedere neppure uno di quella gentaglia. Per questo non andavano in sezione: “Per non sentire quei pestiferi sbarbatelli che, entrati nel partito ieri, vogliono insegnare cos’è il partito agli anziani! E ciò che è peggio è che senza neppure conoscerlo lo vogliono stravolgere cambiandone il nome. E, no! La volpe rimane volpe anche quando cambia il pelo. Ma questi, vai a sapere che fine vogliano far fare al partito comunista che abbiamo conosciuto”.
“Compagni, quello che pensano di noi lo sappiamo benissimo, dice il capo sezione, e sappiamo anche che le porte per noi sono chiuse, ma non possiamo lasciare andare i buoi a briglie sciolte. Dobbiamo andare a parlare”. La decisione era stata presa e ripresa, ma non si decidevano a muoversi per paura delle reazioni. Ma questa volta dovevano partire domattina stesso. Decidono di parlare al mattino con su Pulixi e al pomeriggio con Pei Longu. Alle otto di mattino lo trovano nel quartiere Is Casas mentre buttava giù un muretto a colpi di mazza. “Salve, Pietrino”. Su Pulixi alza la testa, li guarda e "Salute abbiate", risponde curvandosi di nuovo per picchiare con la mazza.
Dalla maniera di guardare, dal suono fèsso della voce si capiva chiaramente che il piacere di vederli non era molto. Due volevano tornare indietro subito. Ma il capogruppo aveva salvato la situazione rivolgendosi di nuovo a Pietro: “Allora, compagno, io penso che tu immagini perché siamo venuti, no? Sì, lo immagino. E penso che se non foste venuti sarebbe stato meglio per me e per voi. Ma, essendo possibile che mi sbagli, è meglio che me lo diciate voi perché siete venuti”. Mentre parlava pensava: “Si devono condannare con le loro stesse parole. Le mie devono servire per svergognarli perché il tradimento di questi traditori, deve essere saputo da tutto il paese”. “Vi sto ascoltando”, dice loro appoggiato al manico della mazza. “Ah, sì, beh, le cose da dire non sono molte, ma pensiamo che siano importanti. Ma più importanti di quello che dobbiamo dire, penso che quello che hanno da dire i tesserati anziani come sei tu, sia molto più importante per il partito. Tutti sappiamo che tu sei uno dei primi tesserati del paese. La storia che hai vissuto in tempi più difficili di quelli che stiamo vivendo oggi, ti permette di dire cose utili. “Tu puoi aiutare l’ala progressista del partito a vincere la scommessa che gli chiede la storia...” “Di quello che ho fatto per il partito non ho bisogno delle tue lodi perché non me ne importa niente. Quel che m’importa è sapere cosa siete venuti a fare...Siete venuti a convincermi di pensare quello che pensate voi, non per ascoltare quello che penso io...che non ve ne importa niente”. “A dire la verità, siamo venuti per ambedue le cose e per invitarti a lavorare con noi...” “Io vi sono utile per cercare clienti, è vero o è falso? Mi volete far passare alla vostra idea per cambiare il partito. E’ questo che vi interessa, cambiare il partito”. “Beh, la decisione non è ancora presa. Ne stiamo discutendo in sezione. Il male è che tu in sezione non ci vieni più e siamo venuti a sentire cosa ne pensi...” “Del partito o di voi?” “A noi interessa il partito...” “Anche a me interessa il partito. Ma poiché siete venuti a cercarlo vi dico anche quello che penso di voi. Il partito, lasciatelo com’è. Voi siete dei traditori! Questo è il nome che vi sta bene” “Ma, Pietro, calmati...”
“Io non mi calmo per niente, perché ho ragione. Siete traditori! Calmatevi voi. Anzi, andatevene e lasciatemi la testa in pace. I nostri discorsi sono finiti. Non voglio sentire più nulla. Traditori!”. “Così non possiamo arrivare a capirci...” “Ho detto che non voglio capire niente. Io non devo e non voglio capire niente se si tratta di cambiare il partito. Io sono comunista per sempre...” Riprende la mazza e ricomincia a battere colpi al muretto, brontolando come un gatto che mangia polmone... “Uh, lo vorrebbero rinnovare? Che possiate essere rifatti di canne di asfodelo secco per... bruciarvi”. E batteva...”sulla vostra testa per far uscire quelle idee pazze che vi hanno messo dentro i fascisti”. Il primo incontro era andato così. Male. Ma non si dovevano arrendere. “Dobbiamo vedere Pei Longu”. Avevano pensato di andare ad impostarsi davanti a casa per fermarlo al ritorno dal lavoro o quando usciva, dopo cena, per andare a casa di qualcuno che l’aveva invitato a cena per finire i discorsi cominciati di mattino durante il lavoro. Da un po’ di tempo a questa parte non aveva più pace e non poteva trattenersi dall’andare a discutere questa storia del partito che gli sconvolgeva lo stomaco e la testa. La testa era un alveare. Lo stomaco una botte piena d’una miscela di fiele, nervoso, voglia di bisticciare con quei... disgraziati. Ciò che gli faceva più rabbia era che “quelli che vogliono distruggere il partito non sono i fascisti, ma i comunisti stessi”, pensava. Così pensava il comunista con cui dovevano parlare. Fermi per strada davanti a casa di Pietro Pei Longu, sotto il lampione e messi in guardia dalla lezione del modo con cui li aveva ricevuti su Pulixi, avevano pensato bene come cercare di convincerlo. Non dobbiamo sgridare. Dobbiamo lodare il più possibile le qualità che ha quando si tratta di parlare di politica con la gente...” All’ora stabilita per uscire Pietrino apre la porta per uscire. Vederli e prepararsi come riceverli era stato un guizzo di fulmine. Si era preparato da molto per prenderli in trappola, ma non avrebbe mai pensato di prenderli in casa sua. Il fatto di essere a casa sua e non in sezione gli dava maggior sicurezza nelle parole per vincere lo scontro che doveva affrontare. Non li poteva vedere neppure pitturati, ma sapeva fare buona faccia a cattivo gioco e “Ah, siete voi, compagni?, dice loro guardandoli in faccia. Vi dico la verità che vi stavo aspettando. Entrate dentro”. Apre la porta ed entra. Accende la luce del salottino, si siede nella sua sedia e invita i compagni a fare lo stesso.
“E allora, ditemi perché siete venuti”, chiede loro. “Beh, prima di tutto per sapere come stai. Poi per parlare delle cose del partito. Non potevamo lasciare da una parte te, che sei uno dei più anziani tesserati di Villasimius, nei momenti importanti come quelli che stiamo vivendo. Ci teniamo che tu sappia dalla nostra bocca quello che stiamo cercando di cambiare nel partito. Non ci sembra bello che tu sappia le cose da qualche ficchetto che non conosce le ragioni di quello che stiamo facendo e si mette a...inventare, dicendo stupidaggini per strada, nei bar e in piazza...”. “Questo è un discorso preparato, stava pensando Pei Longu, e in più lo stanno facendo a me...”.
Aveva ascoltato tutto, ma di quello che avevano detto per esaltarlo non gliene importava un bel niente. Anzi gli aveva dato fastidio “perché sono falsi e infidi”. Aveva seguito bene l’attacco. “Così che io, perché non vado a ascoltare le vostre chiacchiere in sezione, passerei il tempo per strada ad ascoltare quelli che parlano del partito, ma non dicono niente perché non sanno niente? Ma per... per... per chi mi avete preso, e ch...chi vi credete di essere voi?”. Mentre parlava gli si drizzavano i peli del collo come un cinghiale nella cova coi piccoli, pronto per saltare addosso al cacciatore. L’occhio buono era infiammato, le parole uscivano di bocca come fiamme di fuoco, la pelle della faccia gli si era arrugata come terra assetata.”E siete venuti per dirmi questo?! Per dirmi con chi e dove devo parlare del partito? Ma la verità non vi è ancora uscita dalla bocca. E a...allora ve la dico io”.
Questo gli dava troppa rabbia. “Siete ve...venuti per consigliarmi quel che devo dire! E’ questo che avete deciso?”. “Beh, noi non volevamo dire proprio quello, ma certo che uno come te si dovrebbe informare bene prima di dire quello...”.
“Che...che volete voi”, li interrompe furioso. “Quel che vuole il nostro partito...”. “Quello che vuole il mio, quello che ho sempre conosciuto, lo so so benissimo. Quel che non so e non m’interessa neppure saperlo, è quel che vuole il partito che state inventando voi con inganno, traditori puzzolenti!” Non ne poteva più. Si alza balbettando a urla: “Fu...fu...fuori! Alla forca che vi possa far sparire. Uscite fuori da casa mia”.
Una reazione contraria se l’aspettavano, ma mai così violenta. Lo guardavano allibiti. Non potevano credere che fosse vero. Non si decidevano ad andarsene.
“Mi avete capito o aspettate che vi cacci via con lo...spiedo?”
Con la coda tra le gambe come cani bastonati, escono cercando di capire perché... “Perché è un testa di legno”, chiarisce Prilutzu. Quello non si muove neppure con un piccone. Andiamocene e alla svelta”. Pei Longu era stato contrario da sempre al gruppo progressista. Ma da quel giorno, la convinzione che la doveva combattere era diventata un’ossessione che non lo lasciava in pace né di giorno né di notte. Ne parlava male con tutti. Per ogni cliente, quando entrava nei cortili per portar via la spazzatura, aveva il discorso pronto. Poche parole, ben condite con rabbia, passione e imprecazioni che...azzoppavano un cavallo. Che siano maledetti! Uh, ala progressista!? L’affanno dell’ultima ora li colpisca prima delle votazioni...” Usciti i compagni, esce anche lui come il vento, brontolando. Per strada parlava solo come un matto. E continuava rimuginando imprecazioni. Anzi se le trovava in bocca senza averli neppure pensati. Gli venivano in mente tutte le imprecazioni di tziu Antinu alle guardie campestri del paese. E gliele diceva di cuore, piene di rabbia: “Possa alzarsi un maestrale che distrugga questa compagnia/ Che si sentano suonare le campane appena si calma il vento e in tutto il paese un lamento che dica: sono morti quelli dell’ala progressista... Possa spuntare loro un furuncolo in ogni pelo e non possano restare mai tranquilli con un furuncolo in ogni pelo...”
“Non può essere...sfacciati. In casa mia un simile affronto...Banderuole, traditori, tanto non vincete e se vincete, non vi dura. Gente venduta come voi, vi cacciano via su un asino, come cani rognosi da un locale da festa...col suono del corno!” Arriva quel giorno, temuto da una parte e aspettato dall’altro e l’ala progressista vince le elezioni in paese, in Sardegna e in Continente. “Oltre che cornuto, cinque soldi...Per farmi soffrire più di quello che sto soffrendo (aveva persino pensato di andarsene fuori del paese per non vedere e non sentire più quei venduti), mi mandano la partecipazione per il primo Consiglio Comunale e per far festa in sezione!!” Strappa l’invito... “Non ci vado! Né all’una né all’altro. Non rideranno di questo.“Non ci vado!", diceva a lui stesso per convincersi che non ci doveva andare... Alla riunione in sezione riuscì a non andarci. Ma per quella del Comune non aveva resistito! Arrivato il giorno, cena, si veste, beve più di quello che poteva sopportare per uscire con il recipiente pieno e parte verso il comune. Aveva sete, arsura da soffocare. Era nervoso. Ma lui pensava che fosse sete e continuava a bere. Prima di arrivare in piazza si era fermato in quattro osterie. Beveva e parlava con tutti dei traditori... Per strada non salutava nessuno. Camminava, parlava da solo e seguiva il branco dei pensieri che aveva in testa. “Stanotte mi devono sentire quei venduti al...vaticano!”. Sbandando, voltandosi da tutte le parti con tutti i fumi dell’ira e del vino giunge alla porta del comune. Tutto era festa. “Baah, che razza di festa!?”, masticava tra sé. In mezzo alla gente, seguiva la corrente all’insù e si trova nella sala Consigliare. Il locale era già pieno di gente di ogni colore politico. I vincitori, quelli che avevano perso. Quelli che erano interessati a sentire le menzogne del nuovo sindaco...Quelli che si mettono dappertutto per...riempire il locale, ai quali non gliene importa niente di nessuno. Meno ancora di quello che dicono i politici. Dell’ala progressista c’era solo Pei Longu. Si era ficcato in mezzo a quell’insieme di gente a spintoni e…uccidendo la gente con la puzza del vino che emetteva. Appestava l’aria ed era guardato con fastidio da quegli che erano costretti ad allontanarsi da lui e dalla prima fila. Il brigadiere dei vigili urbani, il maresciallo dei carabinieri, le guardie e i carabinieri l’avevano già osservato. Che lui era entrato si erano accorti anche quelli dell’ala progressista e, vedendolo, non è che fossero molto contenti. “L’avete visto? E dire che giurava che non sarebbe venuto. Che faccia!? Ci fa un...accidente. Vedrete che non resiste senza dire stupidaggini... " Il brigadiere dei vigili, anche se gli è parente, lo sta già guardando storto”. Tutti erano in silenzio o parlavano sotto voce. Lui era nervoso. Non vedeva l’ora che entrasse il sindaco con i consiglieri. Era ben piazzato in modo che si sentisse bene quello che doveva dire. Quando si è accorto che stavano entrando, tra il mormorio che si era sollevato, riempie i polmoni d’aria perché gli bastasse per gridare quel che aveva nello stomaco: “Signor sindaco... io ti conosco bene...che non vali niente. Venduto! Vieni avanti che ti compro con cento lire e mi danno anche il resto...”. “SSS”, gli fa qualcuno per farlo star zitto. “Io non sto zitto niente...Sto dicendo a te, banderuola! Venduto! Se è la verità...perché devo star zitto?” “Verità o bugia”, gli dice il brigadiere, “qui deve star zitto, se no...” “Anche tu sei di quelli?” “Qui, non sono né di quelli, né di questi. Qui devo far rispettare la legge...” “I s..soldi che ho mi bastano per co...comprare te, il maresciallo, i co...consiglieri e tutto il codazzo che lo segue c...che non valgono niente...” “Può anche darsi, ma la legge mi obbliga a farlo star zitto con la forza...”. “T...tu?” “Io e anche altri”. Pei Longu non si era accorto che il brigadiere aveva già chiamato i carabinieri che lo prendono per i fondelli e, fuori. Anche se recalcitrando e gridando lo portano fuori di peso e gli fanno il verbale: “Cuccu Pietro è in stato d’arresto per disturbo dell’ordine pubblico, in atto pubblico, in stato di ubbriachezza molesta, per disprezzo dell’autorità e per resistenza a pubblico ufficiale...” Tutto questo bastava per arrestare lui e altri cinque. Passa la notte al fresco della caserma. La notizia dell’arresto di Pei Longu, la notte stessa, aveva fatto il giro di tutto il paese. Ognuno la raccontava a modo suo e aggiungeva cosa a cosa. “Dicono che volesse uccidere il sindaco...”. Da quando si era separato dalla moglie, viveva solo e i parenti si erano messi in movimento la mattina dopo. Uno si presenta in caserma per vederlo. “E’ agli arresti”, gli dice la guardia. “Agli cosa...E dove?” “Si è fatto arrestare ed è già partito per Cagliari dove sarà giudicato per direttissima...” Chi si era interessato era un nipote. Parte a Cagliari per avvisare la sorella di Pei Longu. Le racconta l’accaduto, ma lei non vuole credere. “Ma non dirmelo. Solo questo gli mancava. Maledetta la politica. Cosa possiamo fare? “Prima del giudizio, niente”. “Ma io voglio andare a vederlo. Non può essere che, perché si è messo a parlare in comune, si possa arrestare una persona...andiamo”. Il nipote, sapendo com’è la giustizia, non era convinto di poter fare qualcosa per farlo uscire presto. Ma la sorella credeva che stesse andando al mercato a...comprare pesci... “Ma se non ha fatto niente! E poi, quel che ha detto, non è la verità?...” “Lo so, ma l’ha detto dove non doveva dirlo”. All’ora dell’entrata, entrano. “Noi siamo venuti per vedere Pietro Cuccu, di sopranome Pei Longu, di Villasiamius. Possiamo vederlo?” “No, signora, prima del giudizio non”. “Ma perché, che cosa ha fatto mio fratello?” “Signora, questo non posso dirglielo io. Se lo vuol proprio sapere deve parlare con l’appuntato Abis. Lui ha i fogli del verbale che gli hanno fatto a Villasimius”.
“Certo che voglio saperlo. Son venuta per questo”. In due minuti l’appuntato Abis legge il verbale. Lei lo guarda facendogli capire che non aveva capito nulla di tutto quel minestrone. “Ma si può sapere che cos’ha fatto?” “Quello che ha sentito. Ma posso spiegarglielo meglio...Quel bel tipo di suo fratello, che ha la lingua più lunga del...piede, ha insultato il sindaco dicendogli che, secondo lui, non vale niente. E che con cento lire compra sindaco, consiglieri e non so chi...e gli danno anche il resto!” “Ah, e per questo l’avete arrestato? Ma fatemi il favore. Dovete liberarlo subito...”. “Certo! E chi lo dice?” “Io che sono la sorella e lo conosco meglio di voi. Fa sempre così: si ubbriaca e poi si mette a comprare cose che non valgono niente!”
Raffaele Boi |
|
|
|
