|
|
|||
| Candu hianta cumentzau a fai
cinema in bidha, arregodàt babbu, potànt una pellicula de Castedhu e dha
passànta totu sa cida. Su chi no podìat bandai hoi, andàt crasi… Cumenti fuat sutzediu a mei e a Candidu Cucchettu, Cul’e Pedhi. Adobiaus a pari in sa bia e dhi naru. « Oh Candidu, dhu scis ca tengu gana de andai a cinema? Poita no benis tui puru, a su mancu nci passaus s’ora impari». « Mi dispraxit, Pepinu, ma seu andau ariseru… » “Ta làstima. Bis, chi mi dh’hiasta nau, fustus andaus impari. Dh’hapu nau a mulleri mia, ma a issa no dhi praxit e mi parit no isciu e ita a bandai solu-solu. Chi beniasta tui puru, gei m’hiat a fai prexeri, ma passientzia. E ita t’est patu su film, bellu esti?” “Ehi, gei fait. Est de cussus filmis de boinaxus americanus chi andant a cuadhu, s’iscudint a buciconis, a cadira... e abarrant sempiri sentza de lidoris, s’ispàranta po donnia tontesa e fàinti prus arriri che prangi. Bai, ca gei est bellu”. “E tui no benis ca dh’hasi giai biu?” “Ei, ariseru” “Tocca, torra a benni cun mei… Giai chi t’est praxiu, dhu torras a biri. Mali no ti faidi». « Oh, ca dh’hapu giai biu...Iscìu totu su chi fàinti ». « Ma no iscis a memoria totu su chi nàranta…o t’arregodas totu-totu ? Ti pagu su billettu deu, andaus. A s’essida andaus a su de Pepicola a si bufai una tassixedha de binu, chi agataus a calencunu si feus una patidedha a catas. Tantis, ita fais in domu tua, prus murrungia cun sa femina...? » « Castia, bandu poita ca ses tui… Po ti fai prexeri e cumpangia. Lassa chi andi po aveti sa femmina e seu torrendi » « Ehi, tocca. Seu abetendi ti » Torrat, compuru is billettus e brintaus. Si setzeus e cumentzat su film. Fut interessanti. Hia giai cumentzau a contai is motus…Càndidu hiat aguantau unus quindixi minutus e si fut dromiu. Ma, candu hia biu su cuadhu biancu bessendi de a palas de unu serragu po impunnai conca a sa bidha e fut po cumentzai sa pati prus interessanti, tocu sa camba a Candidu po ndi dhu scidai. In su silentziu de s’attentzioni, s’intendianta crarus-crarus is passus de su cuadhu: toc-toc, toc-toc... e i cudha musica chi sònat prima de is cosas impotantis. Candidu si nd’acabat de iscidai, si sètzit beni po dhu biri e mi tòcat: « Oh, Peppinu, iscumittis ca su cavalleritzu nottesta no brintat a su saloon?” « Nara, dhi naru, ita hasi bufau… piriciolu meda hoi ca bolis iscumitti po cosa chi iscis giai ? Ita mi creis tontu a i cussu puntu po accettai sa posta cun tui ? » « Po ita ? » « Poita ca tui has biu su film ariseru e bollis iscumitti cun su chi fait o no fait su cavalleritzu!. Ma po chini mi pigas ? » “Deu no ti pigu po nisciunu tontu. Iscumittu feti deximila francus ca no brìntada...” “Si, ma bollis iscumitti cun mei! Ma ses narendidhu in su seriu ca no brìntat?” « Ndi seu siguru e totu! Dh’has e benni a biri, ca hoi no brintat!...Iscumittis o nou?” “E deu, segundu tui,… ma faimi su prexeri…” « Ma ita ti fàinti deximila francus in prus o de mancu ? » « No mi fàinti nudha ni dexi e ni binti. Chi t’hapu pagau su billettu e chi ti bollu pagai a bufai, est ca dhu potzu fai… e dhu fatzu cun prexeri. Su chi no mi fai prexeri est chi mi pongasta sa manu in buciaca po mi ndi pigai su dinai aici. Castia, chi bolis deximila francus ti dhus arregalu… » « Ma deu no bollu dinai arreghelau, dhu bollu binci…». Deu puru fua siguro de su contrariu mi pentzau: “Ma candu mai no hiat a brintai e dhi naru, po’ mi lassai in paxi: “E bandat beni... Tui naras ca no brintat, deu naru ca brintat e bufat puru, ca est po cussu chi nd’est calau de su serragu… Poi bieus chini tenit arrexoni. Ma arregodatì ca accettu sa posta no poita ca seu…tontu cumenti ti pentzas, ma poita ca bollu chi ti citast e mi lessisti castiai su film…» Su cuadhu biancu arribat ananti de su saloon, su cavelleritzu ndi de su cuadhu e... brintat! Castiu sa facci de Candidu e potat is ogus prus mannus de is de su cucumeu e de su dus de orus...po biri melus su chi no arrennesciat crei... Castàt su cavelleritzu e a mei... ispantau!! “S’hìat a nai tontu unu cristianu?!” si fait. Ed io prus ispantau de issu: « Ma, oh Cul’e Pedhi, possibili chi siast aici ismemoriau ?! Hasi biu su film ariseru e no t’arregodas ca su cavalleritzu brintat a su bar ? » « Deu gei m’arregodu. Est issu chi no potat conca...Apustis sa surra de ariseru…deu pentzau chi fessit brintau!”
Arrafieli Boi |
Quando avevano cominciato a
fare cinema in paese, ricordava mio padre, portavano una pellicola da
Cagliari e la passavano durante tutta la settimana. Chi non poteva andare
oggi, andava domani.... Come era successo a me e Candido Cucchettu, Cul’e Pedhi. Ci vediamo per strada e gli dico. “Candido, sai che ho voglia di andare al cinema? Perché non vieni anche tu, così passiamo il tempo insieme”. “Mi dispiace, Peppino, ma sono andato ieri...” “Peccato. Vedi, se me l’avessi detto, saremo andati insieme. L’ho detto a mia moglie, ma non le piace e mi fa un certo senso andare solo-solo. Se venissi anche tu, mi farebbe proprio piacere, ma pazienza. E cosa ti è sembrato il film, è bello?” “Ma sì, è passabile. E’ uno di quei film di vaccari americani che vanno a cavallo, si picchiano a pugni, con le sedie... e alla fine restano senza neppure un ematoma, si sparano per ogni stupidaggine e fanno più ridere che piangere. Vai che è bello”. “E tu non vieni perché l’hai già visto?” “Sì, ieri” “Dai, vieni di nuovo con me... Visto che ti è piaciuto, lo rivedi. Non ti fa mica male”. “Che l’ho già visto... So tutto quello che fanno”. “Ma non sai a memoria tutto quello che dicono... o ricordi proprio tutto? Ti pago il biglietto io, andiamo. Uscendo andiamo da Pepicola per bere un bicchier di vino, se troviamo qualcuno ci facciamo una partita a carte. Tanto, cosa fai a casa tua, più che brontolare con tua moglie...?” “Guarda, vado perché sei tu... Per farti piacere e compagnia. Però, lascia che vada a dirlo a mia moglie e sto tornando”. “Va bene. Ti aspetto”. Ritorna, compro i biglietti ed entriamo. Ci sediamo e comincia il film. Era interessante. Avevo già cominciato a contare i morti. Candido aveva resistito quindici minuti poi si era addormentato. Ma, appena avevo visto il cavallo bianco uscire da dietro la collina per dirigersi verso il paese e stava per cominciare la parte più interessante, tocco la gamba di Candido per svegliarlo. Nel silenzio dell’attenzione, si sentivano chiari-chiari i passi del cavallo: toc-toc, toc-toc... e quella musica immancabile prima dei momenti importanti. Candido finisce di svegliarsi, si siede bene per vederlo e mi tocca: “Peppino, scommetti che il cavaliere non entra nel saloon? “ “Dì, gli dico, cosa hai bevuto... molto vinello per voler scommettere su cose già viste? Mi credi stupido a quel punto da accettare la scommessa con te?” “Perché?” “Perché tu hai visto il film ieri e vuoi scommettere con quello che fa o non fa il cavaliere! Ma per chi mi hai preso?” “Io non ti prendo per nessuno stupido. Scommetto solo dieci mila lire che non entra...” “Sì, ma vuoi scommettere con me! Ma lo stai dicendo sul serio che non entra?” “Ne sono certissimo! Vedrai che oggi non entra!... Scommetti o no?” “E io, secondo te... ma fammi il piacere...” “Ma cosa ti fanno diecimila lire in più o in meno?” “Non mi fanno niente né dieci né venti. Se ti ho pagato il biglietto e ti voglio pagare da bere, è perché lo posso fare... e lo faccio con piacere. Ciò che non mi fa piacere è che tu mi metta le mani in tasca per portarmi via i soldi in quel modo. Guarda se vuoi diecimila lire te le regalo...” “Ma io non voglio denaro regalato, lo voglio vincere...” Anch’io ero sicuro del contrario e pensavo: “Ma quando mai non entra e gli dico, perché mi lasciasse in pace: “E va bene... Tu dici che non entra, io dico che entra e beve anche, perché per quello è sceso dalla collina... Poi vediamo chi ha ragione. Ma ricordati che accetto la scommessa non perché son... stupido come pensi, ma perché voglio che ti stia zitto e mi lasci vedere il film...” Il cavallo bianco arriva davanti al saloon, il cavaliere scende dal cavallo e... entra! Io guardo la faccia di Candido. Aveva gli occhi più grandi di quelli di una civetta e del due di danari... per vedere meglio quello che non riusciva a credere... Gardava il cavaliere e me... Sbalordito!! “Si può dire stupido un cristiano?”, dice. E io più sbalordito di lui: “Ma, Cul’e Pedhi, è mai possibile che tu sia così senza memoria!? Hai visto il film ieri e non ti ricordi che il cavaliere entra nel bar?” “Io sì che mi ricordavo. E’ lui che è senza testa... Dopo le botte di ieri... io pensavo che non sarebbe entrato!!”. Raffaele Boi |
||
